لأ متعيطش
لأ ياسنيوره متعيطش
صرخت و انا قاعد في الفندق بتفرج علي المؤتمر "لأ....لأ يا سنيوره متعيطش" و فضلت اصرخ كائني كنت فاكر انه ممكن يسمعني و انا قاعد علي بعد اكتر من ثلاثه الاف كيلو عن مقر اجتماع اللجنه. "اوعي تشمتهم فينا يا سنيوره, اوعي تحسسهم انهم كسبوا لما ضربونا, اوعي ياسنيوره" و حسيت اني عايز اعيط انا كمان بس انا مش مشكله لما اعيط يا سنيوره انا واحد من الشعب لاكن انت رمز عن لبنان.
انا مش مشكله يا سنيوره بس انت اوعي تعيط. مشوفتش بيريز و هوه بيطلع علي الس ان ان بيتكلم بكل ثقه ازاي ياسنيوره.... ليه تشمتهم فينا يا سنيوره ليه. واللي غازني و حرق دمي ان العرب قعدوا يسقفوا. بتسقفوا علي ايه جتكوا نيله بتسقفوا علي ايه حد يفهمني
ديه اسمها العلمي خيبه تقيله.
ياجدعان لو حد فهم هم كانوا بسقفوا ليه ياريت ابوس اديكم يقولي لحسن خلاص هتجنن
posted by BackBone at 9:11 AM
4 Comments:
والله لو السنيورة بيعيط على اللي بيحصل في بلده ده يبقى عنده دم ورئيس وزراء عنده دم .
لو كان مبارك عنده ذرة دم زي السنيورة كده كان اكيد حتلاقيه في مؤتمر صحفي مرة واحدة كده فضل يلطم ويجيب من تراب الأرض ويحطه على دماغه من اللي بيحصل في مصر
شوف ياسيدى
الناس دى بتسقف على خيبيتها التقيلة...ودى الحاجة الوحيدة اللى هم فالحين فيها ..جاتهم البلاوى ربنا يفكهم عنا على رأى حسن نصر الله فكوا عنا خدوا السكة وحلوا عن نافوخنا ...
آسف لاننى دخلت من غير احم ولا دستور سوف احضر للزيارة واتمنى منكم زيارتنا
يمكن كان حد بينده على المتر
أو بيسقفوا على خيبتهم
Post a Comment
<< Home