Wednesday, August 09, 2006

خارطه الطريق بس مش بتاعت امريكا ديه

و هذا ردي برده علي القلم الجاف في موضوع خلينا بعيييييد...بعييد احسن عند "ايوه خدامه"http://aywakhadama.blogspot.com/2006/08/blog-post_09.html
استاذي الجليل القلم الجاف:
انت بصرحه عقدتها تماماً في اخر سطرين
.انا اشترك معاك في ان رقينا لازم يطلع من دمغنا, وان احنا نحاول نتفادي السيطره و الهيمنه من بعض الدول الغربيه و الامريكيه.بس,
الموضوع ان مش الصارخوين بتوع صدام و لا مشاغبات نصر الله (و اللتي لا ترتقي الي لفظة حرب) هما اللي كانوا نقصين علشان امريكا تحشر اسلحتها في اسرائيل.
ءاسرائيل يا أستاذي الفاضل مهدت الي استعطاف كل القوه الدوليه و الشعبيه علي مستوي العالم الغربي و الامريكي بكل الطرق علي مدي الحقبتين الماضيين. من اول ادعاء المحارق بتاعت هتل لغايه انهم عباره عن حتت ارض صغيراً جداً ليس لها حول و لاقوه بجانب كل هذه الدول العربيه الشريره المضاده للصهيونيه و الارهابيه. و مروراً باستغلال كل الاحداث التي طفت علي الساحه السياسيه منذ الحرب العالميه الثانيه. فأن نقول اننا الزريعه اللتي تستغلها اسرائيل لأستجداء العالم يعتبر كلام اعزرني لا يقدم و لا يؤخر.
الحل الوحيد اللذي استطيع ان اضعه علي الطاوله هو البداء:
اولاً: وضع خطه اعلاميه تنفذ علي العالم الغربي و الامريكي لكشف مغالطات اليهود و لا يجب ان يكون هذا بشكل صريح و واضح حتي لا ننكشف و انما باستخدام سياسات اعلاميه حديثه تقوم بوضع السم في العسل عن طريق بث الأخبار و الأحداث المعاصره مع التعليق بشكل غير مباشر في اغلب الأحيان و مباشر في اضيق اضيق الحدود حول مؤمرات الصهاينه و اكذبهم. و هي طريقه ممكن تتعلمها بشكل كبير من مشاهدتك للقنوات الأخباريه الغربيه كا الـ بي بي سي و الـ سي ان ان. مع العلم ان هذه الخطه الأعلاميه يجب وضعها علي احد الأقمار الفضائيه الغربيه و بتمويل تحت ستار غربي. ان المشاهد الغربي ذكي و من الممكن ان يكشف هذه اخطه بسهوله اذا لم يتم تغتيطها بإحكام و مع العلم ان الأعلام المتصهين سوف ينقب بعنف عن نقط ضعف الخطه لأثبات و لأها للعرب و المسلمين و هذا ما اذا انكشف ستنهار معه كل الجهود المبذوله.
ثانيأ: استخدام هذا الغطاء الاعلامي في التحرك السياسي للتسليح العربي الذاتي عن طريق تشغيل المصانع الحربيه العربيه مثال مصنع 26 الحربي المصري اللذي اهتم بتصنيع الحلل و الصواني منذ تولي مبارك للسلطه و ذلك في اطار احياء خطط عبد الناصر في التسليح و التصنيع والاكتفاء الذاتي التي اذا كانت لم تحبط من ولي النعمه مبارك كانت مصر اصبحت الأن من النمور الافريقيه القويه.ثالثاً التوجه النووي السلمي و العسكري تحت ادعاء اعلامي انه مجرد لتوليد الكهرباء فقط. و كافيه لعب العيال ده بتاع "نحو شرق اوسط خالي من الاسلحه النوويه" اللذي طرحته امريكا ثم امدت بشكل مباشر كصفقات اسلحه نوويه صريحه مع اسرائيل او امداد العلاماء الصهاينه بكافه المعلومات و التكنولوجيات اللازمه لتصنيع السلاح النووي. و كفيانا هبل بقه.
ثالثاً: و ايضاً تحت المظله الإعلاميه يتم تفعيل اتفاقيه الدفاع العربي المشترك عن طريق احياء التدريبات العربيه المشتركه و وضع المناورات الجاده و الفعاله مع بعضنا الأخر و عدم اجراء مناورات عسكريه مع العدو الأمريكي او الغربي, فأننا لا نستفيد منها قدر الأستفاده اللتي يحصلون عليها من معرفت طريقة تفكير العقليه الحربيه العربيه في الحرب و هذا ما كانوا يجهلونه في ما قبل 1973 و كان اكبر اسباب النصر علي العدو الصهيوني.
رابعاً: اقتصادياً و هذه من اهم نقط الخطه, و هي وضع اصول اتفاقيات داخليه عربيه فعليه و ليسه صوريه بأسماء عربيه و تمويل اوربي او صهيوني كما يحدث الأن. مع محاولت تخليص الموارد و الثروات العربيه من الايدي الأجنبيه. ولو كان عن طريق العتماد علي رجال الأعمال العرب بشكل تطوعي و ليس فرضي. و اني علي يقين انه بمجرد متتضح معالم النهضه الإقتصاديه و تتبين الهمم الجاده و المخلصه لستجد استماته رجال الاعمال العرب علي الإستثمار في الداخل بدلاً من الخارج و ستجد تحسن ملحوظ في سلوك الشارع العربي و المصري خاصه في المحافظه علي المجهودات المبذوله و محاربة الفساد او انخفاض معدلاته بشكل جزري.
خامساً: الاتجاه الزراعي في استخدام الارضي العربيه الزراعيه في الاكتفاء الذاتي من المأكل و الملبس علي المستوي الاحتياجات الضروريه من القمح و الأرز و القطن و الخبوب. و ممكن ان تستخدم في ذلك اراضي السودان و الصومال مما سرفع من مستوي الدخل القومي لديه و سيعود بالمنفعه علي باقي الدول العربيه( انا عارف ان امريكا و اليهود تقريبا خلاص حتوا اديهم علي الدولتين دول من اجل السيطره علي منابع النيل نهر الحياة في مصر و من اجل منع العرب من الاستفاده من الثروات الحيوانيه و الزراعيه بهم) و لاكن عند تنفيذ الخطه العسكريه و تفعيل اتفاقيه الدفاع المشترك فيمكن سعتها نسطيع استبدال القوات الأجنبيه بأخري عربيه لحفظ السلام هناك مستخدمين في ذلك التغطيه الأعلاميه اللي اتكلمنا عليه في الفقره الاولي
.و اعتقد ان الطريق طويل لاكن مينفعش نسبق خطوه قبل التنيه والهرم متلعش كده بين عشية و ضحاها
لازم كل حاجه تكون ممنهجه علشان ميحصلش عك في الموضوع برمته.
كل الخطط العنتريه بتاعت احنا نعمل شلله كويسه كده و نطلع علي لبنان و فلسطين نحررهم مش هتنفع ابداً و اثارها هتكون سلبيه تماما علي السمعه العربيه و السيطره علي المنطقه.
انا عارف اني طولت معلش بس كان لازم اتكلم....
و شكراً

4 Comments:

Blogger يا مصر اكتب إليكي رسائلي said...

الأخ العزيز بكابون13
أولا تحياتي لزيارتي الأولى لك ولمدونتك
واسمح لي بدون اي مجاملات ان احييك على الوعي والإحاطة الشاملة بموضوع الصراع الممتد منذ أكثر من 60 ، واترك لي الفرصة ان أقول انك حملت عني عبئا ثقيلا لم اكن اجد له اي تعليق وربنا وفقك وقدرت ترتب الأحداث والخطوات .. وأرجو من شباب الأمة كلها بمختلف التيارات السياسيه والدينية ان يتعاونوا في تنفيذ الضغوط على الحومات لتنفيذ ذلك وكذلك الإعلان في كل ملتقى للشباب سواء على المستوى الجامعي من خلال المؤسسات الوطنية المعنية او علبى المستوى الشعبي في ندوات تثقيفية بدلاً من المظاهرات حتى يعي العالم الخارجي اننا في استطاعتنا ان نتفاعل ونؤثر.
مرة أخرى احييك من كل فلبي واتمنى لك مستقبل باهر.

Wed Aug 09, 10:08:00 AM 2006  
Anonymous Walid Seif said...

أخوانى الأعزاء
لقد أعجنى ردك و أعجبنى الردود على ردك و لذلك قررت أن أرد على ردك و على الردود اللى على ردك

أى خطة إعلاميه توضع مستقبلا لمخاطبة الغرب فهى فاشلة مقدما ..... علشان تقدر تخاطب الخارج لازم تقدر تخاطب الداخل الأول

لازم الأول نواجه نفسنا و نهتم بمشكالنا المتأصلة و بعدها نبقى نفكر الغرب بيفكر فينا إزاى
مش مهم الغرب شايفنا إزاى المهم إحنا شايفين نفسنا إزاى
أسأل أى مواطن عربى عن رأيه فى العرب و الزعماء العرب و الشعوب العربية

ولما تسمع رده أبقى أسأل نفسك ... إذا كنا إحنا شايفين نفسنا كده أمال الغرب شايفنا إزاى

Wed Aug 09, 10:46:00 AM 2006  
Blogger BackBone said...

متشكرين يأخ يالي بتكتب لمصر, بس انا ساعت مكتبت الكلام ده كان قصدي انه لازم يتنفذ في منتهي الكتمان و مكنش عندي اي اليّه عن كيفية تنفيذه او تبليغه لأبعد من البلوجر بتاعي ده.
و نورت البلوجر


عزيزي و صديقي و ليد سيف:
احنا بقالنا عقود متتاليه مهتمين بإن اذاي نصلح مشكالنا بس المشكله ان مشاكلنا مش هتتصلح طول مالشعب حاسس ان الحكومه يااما اغبيه او متواطئن او مش نويين يصللحو البلد. بس ذي مقولت في الخطه ان بمجرد ما الشعب يشوف بعينه التحركات الجديه في الأصلاح, هيخاف عليها و هيصلّح نفسه. زي محصل في مثال بسيط زي كورنيش اسكندية.

انا فاهم ان اصدق مش علي الحرميه و المختلسين و الناس اللي بتعمل الغلط و هي عارفه انه غلط, انت شكلك بتتكلم علي الناس اللي فاكره نفسه بتصلّح و هي اكتر ناس بتخرب. الناس اللي ممشيه الموضيع بالبلاله مش بتعمل حساب بكره و الناس اللي مسكين قيادات و همه اصلاً مش فهمين حاجه.
الناس ديه كده كده خلاص مينفعش تعمل فيهم حاجه دول خلاص بازو مينفعش معاهم الخطه ديه. دول عايزين فرمته و تصتيب من جديد ممكن نبقي نشوفهم في خطه تانيه.
:D
النقطه التانيه انا ليه عايز اكلم الغرب؟ علشان الغرب سعتك لسه فاكر اننا في مصر بنركب الحنتور وحنا ريحين الشغل. و الناس ديه اللي سيبه ريسها يركبها الحنطور, اكيد شويه بهايم غجر مينفعش يمتلكوا سلاح ننوي و محتجاين امريكا او اسرائيل تلمهم علشان لو اتسابوا كده هيوجعوا دمغنا بعدين فا مفيش مشكله لما امريكا تحتل العراق و افاغنستان و أسرائيل تحتل ايران و لبنان و سوريا.

فحنا لازم نكلمهم الأول قبل منقول اننا لأ مش بهايم عندهم شوية بترول و اثار. لأ دحنا ناس بنفهم و بنعرف نتكلم.

و موضوع حل المشاكل الداخليه هيفضل مشكله و هنفضل نحلها لا هتخلص و لا هنبطل نحاول نحلها....

يارب اكون فهمت الرد بتاعك و عرفت افهمك رأيي...


و شكراً يابوب علي تعليقك بس ياريت ميبقاش اخر مره نشوفك

Wed Aug 09, 11:18:00 AM 2006  
Blogger يا مصر اكتب إليكي رسائلي said...

أنا اسف طبعا فأنا ارى انه فعلا يجب أن يطبق في طي الكتمان .. ولكن مالبيد حليلة .. اكرر اسفي .. وطالما الأمر مش متاجرة وحق طبيبعي للكل فانشاء الله ما فيش ضرر المهم ان الناس تويد عشان يتنفذ ده ، مع اطيب تمنياتي مره اخرى والله الموفق

Fri Aug 11, 12:23:00 PM 2006  

Post a Comment

Links to this post:

Create a Link

<< Home