حتي اخر مليم في جيبي
علي الرغم من احنا شركه محترمه و بنمشي تبع نظام ثابت و منظم
اللا ان المرتب لغاية دلوقتي منزلش!!!
و السبب ان مدير الشركه واخد اجازه
طب هوه معاه فلوس ياخد اجازه و يهييص
طب و الغلابه اللي زي اللي خلاص بقي ماشي في الشارع و في جيبه اقل من عشرة جنيهات يعمل ايه؟؟؟
اهم حاجه اني فوولت تنك البنزين بتاع العربيه قبل ما الفلوس تقصر معايا
و علي رأي التكسجيه
"فول تانك و لا مليون في البنك"
posted by BackBone at 11:53 PM
5 Comments:
مصر طول عمرها ماشيه بالعكس ياه والله زمان.
ياعم انت فاضحنا كده على طول يعنى البنات تقول ايه شباب مفلس
أحنا أه مفلسين بس أغياء بكرامتنا و و القناعة كنز لا يفنى
أنا عارف ان زمن المعجزات انتهى بس ربنا كبير و ممكن كمان عشر سنين أتجوز و أسس أسرة ان شاء الله
و لا يهمك يا فقري يا خويا
الجيب واحد
ابعتلك خمسة جنية يفكوا ازمة؟
و الغدا عندي بكرة
سمك و كابوريا و سبيط
لحد ما ربنا يفرجها
البلوجرية لبعض
اي خدمة
تسلم قديكي يا كلبوزه, تصدقي اول مره اخد بالي انني فئري فعلاً. طب الغدا و عندك و ربنا سترها...والعشا عند ميييين.
اه ه ه, عشا الغلابه عليك يـــارب
منوريني يا عمر انت و احمد بلال, دي اول مره تعلقوا عندي, انت ايه جيين في باس واحد
علي فكرة فقري دي مش شتيمة
مش انت مسمي نفسك عامود فقري؟
و انا بدلعك
و اتكسفت اقولك يا عامود يا خويا
فقلت فقري اظرف
ههههههههههههههههه
فهمت يا فقري
:)
Post a Comment
<< Home