Monday, September 25, 2006

اوعـــــــــــــــي النوويـــــــــــــــــــــــــي



في مبادرة عجيبة و مفاجئة يعلن الشملول رئيس سياسات الحزب "الباطني" بان مصر هتخش النادي النووي, و ده يعني ايه ياولاد؟؟؟
يعني سعاتك مصر هتبني محطة طاقه نوويه علي ارضها عقبال الدوار بتاعنا كده, اصل الحكومه اكتشافنت اخيراً ان الطاقه اللي احنا بنستعملها من بنزين و فحم و غاز طبيعي ديه طاقة غير متجددة و انها هاتخلص آجلاً ام عاجلا ً.ـ


فرد عليا الواد حسونه اللمض انه كان واخد الكلام ده في سنة تالته ابتدائي, فشمعني بقي دلوقتي نبني المحطه النووية ؟؟؟

فسكت كده و فكرت, ما يمكن يا واد ياحسونة الحكومه بتاعتنا كانت غايبة يوم ماخدنا الدرس ده في المدرسه ؟؟؟ او يمكن اصلا ً مش واخدين تالته ابتدئي, مش عايزين نحرجهم بقه.ـ

المهم ان الموضوع موقفش علي كده, لأ ده تبعه سلسله منهدله من التصريحات الدوليه و اهمها تصريحات الواد ده اللي في مجلس "السيوخ" الامريكي و بعدين تصريح البوب الكبير اللي ماسك البلد و طلب من بتاع الكهراباء بتاعتنا حسن يونس ان يخاطب احمد زويل شخصيا علشان يشرف علي الموضوع ده و يكلفه بأسم الرئاسة ذات نفسها...اه ه ه, فعلا ً ولا عزاء للمصرين.ـ


طب خليك معايا كده ياباشا, اذا كان اللي بيتكلم مجنون فاللي بيسمع عاقل...مهو لو زويل اصلا ً كان مستنضفكم كان ايه اللي خالاه يسيب البلد و يقعد في كاليفورنيا, طب سيبك من ديه قول ياعم انهم هيكلموه و هوه هيوافق لانه راجل وطني وميقدرش يتأخر علشان ميتشتمش في الجرايد و يمثل بجثته في برنامج البيت بيتك و الكوره في الملعب.ـ
انما هل يعقل ان مصر هتعمل 3 محطات مره واحده, تلاتــــــــــــــــــــه!!!!!!!... طب ازااااااااااي
اذا كان اصلا تكلفت المحطة الواحده 3 مليار دولار و هي تكلفة لا تتحملها الموازنه المصريه بكل المقايس تحت الصعوبات الحاده و المزمنه التي نعاني منها, دحنا بنشحت بقلنا 5 سنين ياجدعان علشان نبني مستشفي تعالج ولادنا من السرطان. و للعلم ايضا ً ان الموازنه المصريه التي وضعتها الحكومه اللزيزه بتاعتنا لـ 2002- 2007 لا تتضمن اي اعتمادات ماليه للمشروع.ـ

و في اعتقادي ان سياسه الحزب في مهاجمت الفكره الامريكيه للشرق الاوسط الكبير ما هي الا مناورة للحزب لرفع شعبيه الحكومه ومساعدت نجل الرئيس مبارك في رفع الشعب واللذي نعلم كلنا انه لن ينال رضي الشارع المصري اللا بمهاجمت امريكا
بالمناسبه انا مازلت اتسائل ماذا كان في انطلاقت الحزب الاولي لتكون هناك انطلاقه ثانيه

و يبقي ان اقول...ـ

لولولولوللللللللللللللللللللللوووووووو و و و و و و و وووووووووووولللللللللللللللللللللللللللـــــــــــــي

زغرتي يأم فرحااااااااااااااااااااااات مصر ناويه تنتج نووي




ملحوظه: الصوره ديه لليافطه بتاعت المحطه النوويه اللي في الضبعة بتشوفوها وانتو طالعين تصيفيوا في مرسي مطروح كده

10 Comments:

Blogger أحمــــــــدبــــــــــلال said...

سخرية مريرة تلك التى نعيشها فى حياتنا الواقعية
فلنترك موضوع الموازنة و الفلوس و الكلام اللى مالناش فيه ده
اللوحة
عملتلى أزمة ازاى دى لوحة بتعبر عن مشروع بالضخامة و الاهمية دى
ده العمارة اللى بتتبنا على أول شارعنا محطوط لها لوحة تعبر عن شكل العمارة و مشرفة جداً و زى الفل

و بالنسبة للفلوس
أستعين بكلمة خالد صالح فى عمارة يعقوبيان الشعب ماسك فى أيدين الحكومة كأنها امه حتى لو كانت ماشية على حل شعرها

و بصراحة لا تعليق

Tue Sep 26, 10:50:00 AM 2006  
Blogger Sampateek said...

نووي!!!؟؟؟
يعني وقود نووي و لا قنبلة نووية!!؟
و لا خيبة نووية!!؟
و لا حكومة نووية!!!؟؟؟
قطيعة تقطع الكل كليلة
المهم انت ازيك الف سلامة عليك يا غالي ان شاء الله شفاء و طهور و ربنا يشفيك و عسي ان تكرهوا شيئا و هو خير لكم
حسدوووك و باين في عنيهم
معلش ما يقع الا الشاطر
رمضان كريم

Tue Sep 26, 11:30:00 AM 2006  
Blogger yasser said...

شوف يا زعيم
الشعب فهم الموضوع غلط
وبما انك اانت واحد من الشعب فانت بالتبعية فهمت غلط
الريس بتاعنا اطال الله في عمرة
وادام بقائة علي انفاسنا
يقصد شئ تاني خالص غير اللي انت فهمتة
المقصود بالطاقة النووية من منظور الريس
هو الطاقة الكامنة في نواة البلح
متستغربش
هيا دي الحقيقة
الريس هيعمل مشروع للشباب يحل مشكلة البطالة حسب برنامجة الانتخابي
الشاب اول ما يتخرج من الجامعه يبداء مشوارة العملي بالبحث في الشوارع والازقة والحواري عن نوايات البلح
وكل شاب ورزقة
وهيبقي شعار المرحلة
اغنية سعد
البلح ..البلح..البلح
وسلملي علي
النواة

Tue Sep 26, 06:56:00 PM 2006  
Blogger Sampateek said...

عامل اية دلوقت؟
ان شاء الله احسن
اسال الله العظيم رب العرش الكريم ان يشفيك
سلامي الي العروسة

Thu Sep 28, 04:45:00 AM 2006  
Blogger BackBone said...

اه ه ه يابلال
نا بقالي كام سنه كده بصيف في مرسي مطروح و بعدي علي اليافطه ديه رايح جاي, و ابوصلها و اضرب كف علي كف و اتحسر و امشي, اللهم مااستعملنا و لا تستبدلنا, وانصرنا علي القوم الظالمين, اللهم ما استعملنا في نصرة دينك و القصاص من كل من اهانه او ظلم عبادك و هو عليم


خالتيشي كلبوزه:
شفتي النووي, بيقولك اللي يعرف اي وصفة بتتبخ بـالنووي يبقي يتصل علي نمرة الحزب الوطني و يسجل الوصفه بأسمه,
و انا سجلت اسمي و بكره هروح أمن الدوله علشان اصذرلهم "الطرية".ـ

انا الحمد لله كويس, العين صابتني و رب العرش نجاني, ولابس حجاب في رقبتي مكتوبلي فيه ياناس يا شر كفايه قرررر

انا واخد الاسبوع ده اجازه و قاعد في البيت بريح, و ادعيلي لحسن الركبة ديه كنت عملت فيها عملية قبل كده

و مع اطيب التحياتشي و المحاشي و البوفتشيك


ياسر:
والله الشعب ده اللي انا منه فعلاً بيحاول يفهم لغاية دلوقتي ايه اصلاً النووي ده. تصدق ان انا كان عندي لعبة علي الكمبيوتر من سنة 1990 و كان فيها اسلحة نوويه, و لغاية دلوقتي الشعب المصري ميعرفش يعني ايه نووي.
قتشيعه

Thu Sep 28, 06:14:00 AM 2006  
Blogger محمود ماجد said...

والله انتو كلكو حتخشو النار علشان سوء الظن بتاعكم ده

الراجل يتكلم في حاجة وانتم سوء الظن بتاعكم يوديكم لحاجة تانية

الراجل بيتكلم على النووي بتاع البلح تقوموا انتوا تفتكروا النووي بتاع البومب

Fri Sep 29, 06:18:00 PM 2006  
Blogger Sampateek said...

يا عيني علي البنية خطيبتك اخدت بومبة
ركبتك اية يا ضنايا؟!!هو البني ادم اية غير ركب
و رجلك اتكسرت يبقي عاااااااال
مشوها احترام بقي
الف سلامة عليك يا ابن اختشي
متنساش تقرا كا يوم جزء علشان نختم سوا اخر رمضان

Sun Oct 01, 11:59:00 AM 2006  
Blogger BackBone said...

اهم حاجه الاحترااااااااااااام

الاحترااااام و بــــــــس

Mon Oct 02, 02:19:00 AM 2006  
Blogger أحمــــــــدبــــــــــلال said...

سيبك من السياسة شوية و تعالى عندى
يوم5أكتوبر فى البلوج
عامل حفلة عيد ميلادى

Tue Oct 03, 07:45:00 PM 2006  
Blogger Sampateek said...

ههههههههههه
حمدا لله على السلامة

Wed Oct 04, 12:37:00 PM 2006  

Post a Comment

Links to this post:

Create a Link

<< Home