وجهة "نظـــــــــــــــــــــــر"ـ
مشهد ليل, خارجي, امام احد المولات المشهوره بمدينه نصر.
بنت(1) واقفا في وش ولد ضهره للرصيف بيتكلموا و انا واقف وراهم.
تنزل بنتين متدلعين من عربيه حديثه و يعدوا من ورا الولد مبيني و مبيين البنت(1),ـ
وزي مانتوا عارفين طبعاً انا مليش في البحلقه علي البنات زي معظم المصرين, انا باخد النظره الاولي اللي تكفيني وبعد كده اقعد اتفرج علي الناس اللي في الشارع و هما بيبحلقوا و افتس علي نفسي من الضوحك (مع الحفاظ علي الواو),,,,بس المره ديه لفتت انتباهي البنت(1) اللي كانت واقفه قدامي, فهي بصراحه كان موقعها جامد جداً بالنسبه لمنظر نزول البنات من العربيه, انا قعدت اتفرج علي البنت(1) ديه و هي بتبص علي منظر البنتين وانا في منتهي الاستغراب, دي كانت بتبص و لا اجدعها ولد. بتبص علي كل حته استراتيجيه في البنتين.... بصراحه عملتلهم كت-سكانينج وسعتها حسيت اني مش فاهم حاجه مهو اكيد في حاجه غلط
مهو راجل يبص علي بنت, (غلط اه.) بس ماش مهوه ياعيني من يوم ماتخلق و هوه عنده حاجه كده اسمها الغريزه.
بس "بنت" تبص بالمنظر ده ليــــــــــــــــــــــــــه
*
ملحوظه انا لاحظة المنظر ده بعد كده كتير مووووت فالموضوع واضح انه ملوش علقه بالبنت بتاعت المشهد ده بعينها.
بس برده مش قادر افهم ليه...؟؟؟
posted by BackBone at 4:20 PM
11 Comments:
ههههههههههه
نجحت تضحكني رغم اني مليش نفس
بس بجد بيحصل البنات اصلا بيلبسوا علشان يفرجوا بعض و البنت من دول تحب تشوف غيرها لابسة اية علشان تقلدها
انا نفسي لما كنت في مصر كنت بستمتع اقعد اتفرج علي البنات و التقاليع اللي عاملينها في نفسهم
و اعمل زي عواجيز الفرح و امصمص شفايفي
ده احنا مكناش بنات
قطيعة
ههههههههههه
ابقي تعالي يا فقري
وانا كمان يا بوند ببص على البنات
فى اجامعه قعدت انا وصاحبتى فى موقع استراتيجى جدا واتكلمنا على كل بنت دخلت الكافيتريا
شوفى الحلق شوفى البلوزة وساعات بنقول البنت دى مزه ..عادى عادى
ههههههههههه مش انا لوحدي يعني يا سارة
بقولك اية يا فقري يا خويا
ال
Previous Posts
ده بتعملة ازاي انا نشف ريقي عايزة اعمله مش عارفة
لو تعرف صفرلي
بص يا سيدى
عشان فى بنات بتتكسف
مع أنى زعلانه منك عشان بهزر وبقول أنك تعليقاتك بتجيب الضغط فزعلت
مع أنى لو لاحظت أنا عمرى مازعلت من حد
وكمان بتدعى عليا فة بلوج كلبوزه
فى بنات بتبص على اللبس والمكياج
وفى بنات بتبص نظره زى الولاد
متهيألى فاهم
وبتعاكس كمان وممكن تبقا مطارده
وده بيحصل معايا
وطبعآ بدور الجرى
لأن فلى منهم بيكونوا رزليين
أشطه ياعم
يارب تتجوز واحده منهم
وأشوف فيك يوم
تبقا تعالا بقا متبقاش غلس
دنتوا طلعتوا مصيبه,
الف سلامه ياكلبوزه, ان رحتلك و جبت معايا كام صوباع موز كده من اللي قلبك يحبهم, لاء فرفشي كده دانت الام الحنون لكل البلوجريه (ام ايه بس دانتي في عز شبابك يا شيخه, يالله كده روحي العبي شويه ايروبكس و اتنططي)
ساره:
علي فكره انا بحب اسم ساره جداً, انما ايه اللي بتعمليه ده, طب خاللي بالك بقه لحسن اللي عندك ده حاله اعراض للي بتحكي عليهم اوسه بيعملوا مطاردات.
و ربنا يستر علي و لايانا
لاء و كللوا كوم و الموضوع بتاع اووسه ده كوم تاني, ايه موضوع المطارده ده, ازاي يعني,,,,انا واضح ان في حاجات كتير غيبه عنني في المواضيع اللي بين البنات و بعضها ديه.
يا ست اووسه خلاص مش زعلان, هاخد تكسي و جي جري اهوه, اعمل ايه بس في قلبي الطيب ده. يووووه مبستحملش ازعل البنات الحلوين خالص.
قتشيعه محتش بيكولها بالساهل.
فتح عينيك
ده مش قصدى على الفيلم اللى نزل
بص قصدى تبص على الحقيقة
أنا فاهم قصدك بالبصة مش مجرد نظرة غيرة أو أعجاب بلبس قصدك نظرة تحفزية بها رغبة معينة
الغريب أن الموضوع ده أنا لاحظته من أربع سنين
كنت فى المعمورة و لقيت بنت ماشية و عربية جانبها كلها بنات بيعاكسوها بكلام وقح أنا قلت يمكن أصحابها و زعلانة منهم و بيهزروا معاها علشان تصالحهم المهم و أنا راجع لقيتهم بيعاكسوا بنت تانية بنفس الطريقة والكلام ففهمت اللعبة و بقيت أخد بالى منهم على البحر ساعات لما أشوفهم كل كلامهم و نظراتهم على البنات
و فى كليتى و هى كلية خاصة بالمناسبة فى شلة بنات مابتصاحبش صبيان خالص
بنات بس و أنتشر فى الكلية بين البنات و بعدين الصبيان أنهم من هذا النوع
مع أنهم بنات مُزز مُزز
الأكتشاف الاخير فى سنة تخرجى السنة دى يعنى أكتشفت أن بنتين من شلتى على علاقة ببعض و طبعاً كلنا بقينا فاهمين و مطنشيين جداً و لما زعلوا من بعض كل واحدة فيهم جابت واحدة صاحبتها مش من الكلية علشان يغيظوا بعض
اللــــــــــعنـة
:)
ااااه
اذا كنت بتتكلم على كده
فى بنات كده
وولاد كمان والله
دول مرضي يا عمى الله يبعدنا عنهم
انماانا بتكلم فى العادى
بس انا متاكده ان البنت اللى انت شوفتها دى كانت عادى برضه...كده برضه تقول عليا كده لا اخس عليك اخس لا والله اخص عليك
لا ياساره ولله انا مكنتش اقصد كده خالص, هو ايه اللخبطه ديه.
ياعم احمد وقعتنا في الغلط ان بتكلم علي البنات الطبيعيــــــــه
ده انتي ست البنات.ياساره...ـ
واضح اني هنزل بوست جتشيت بقه لحسن ده حمض خالص
شوفت بقا
لازم أبدأ عشان الناس تعترف
وحياتك نص البنات كده
من الأخر بقا وزى ماتيجى
ومالوش علاقه بالجمال والقبح
ومعظمهم بيرجعوا للطريق الصواب مره تانيه
أنا لو نزلت بوست فى الموضوع ده البنات البلوجرايه هايحدفونى بالطوب
عشان دى أسرار عسكريه
ههههههههههههههههههههه صعب قوى افهمك هنا يا باك بون حدد لنا موعد فى منطقة خلاء .........فعلا الموضوع دة صح وانا واحدة من الناس اللى بتبص على البنات بس خليها فى سرّك
nice blog
دا الموضوع كبير كبير بقه
اووسه:
انا مره كنت قاعد مع واحده في هولندا و جت سيرت الجايز عشان هناك ده عادي جداً جداً و كنت بحاول افهمها ان احنا في المجتمع العربي والشرقي معندناش الحجات ديه علشان احنا عندنا إلتزام اخلاقي و ديني يمنعنا من الممارسات الرزيله ديه, وان حتي اذا كان في حد ولد او بنت عايز يعمل كده فمش هيلاقي طرف اخر يشاركه الرزيله ديه.
و هي كان مبررها ان همه اكيد موجودين و كتير بس محدش عارف علشان الموضوع متكتم عليه علشان احنا معندناش الجرئه اننا نعلن عنهم, وكانت بتقول ان ديه حاجه البني أدم بيتولد بيها و ان ذي مافي عيوب خلقيه في كمان عيوب هرمونيه وان ممكن الولد او البنت يتولد بهرمونات مشقلبه فتلاقي ولد عايز يتعامل معاملت البنات وبتشتهي الولاد اللي زيه و بنت بتبقي عامله ذي الولاد و بتشتهي البنات.ـ
بصراحه كان كلامها مقنع, بس اللي انا حاسه من كلمكم ان البنت بتبقي كده و بعدين بتوب و بترجع لربنا فالموضوع مش موضوع عيوب هرمونيه لاكن ديه حاجه البنت بتعملها برغبتها.
اللي انا عايز اقوله ان البنات يمكن عشان بطبيعتهم حنونين و بيتلامسوا بقرب و البوس حاجه عاديه مبينهم فده بيسهل الموضوع و بيخليه ياخد صوره غير الصوره الاصليه المنيله, و ده ان مش عارف اخرته ايه.
high_staff:
لاياستي متشكرين جدا انا كده ميت فل و حشره
Post a Comment
<< Home