ياللا حالا ً بالا ً بالا ً حيو ابو الفاصاد

انا مش متعود احتفل بعيد ميلادي بس اعمل ايه مهوه اللي بيجي كل سنة

كل سنة و انتم طيبين

محتفلتش بيه. كل اللي عملته اني ضربتلي واحد اجازة من الشغل و قضيت اليوم كله مع حبيبتي. مممم, اتخنقني شوية و اتصلحنا شوية ضحكنا شوية و اتخنقنا شوية بس هيـــــــه ما الدنيا كده. المهم اليوم خلص امبارح و احنا في حالة ممكن يتقال عليها "ظريفة" او "اللاسلم لا حرب" بعد يوم شاق طويل بدا ً بدرس مادة مرافعات مع استاذ ظريف و زوء يدعي المحامي اشرف ثم تبعه جلسة غذاء في مؤمن الزقازيق (علي فكرة السندوتشات و القاعده هناك لذيذة قوي, هوه في شارع اسمه القومية حاجه كده زي جامعة الدول كده في القاهرة) و بعدين كان المفروض هنروح ناخد ماما (مامتها) و ننزل القاهرة علشان نزور خال مامتها علشان عيان و نجيب الشبكة. و رغم اعتراضي الرسمي علي ان ننزل كلنا علشان ننقي الشبكة الا اني وافقت. الموضوع مش ان انا عايز اشتري الشبكة لوحدي و لا حاجة انا بس مش عايز اشحطط الناس الكبيرة معانا كده و احنا اصلا ً اول مرة ننزل ننقي فيها. المهم اتخنقنا علي النقطة ديه و احنا ريحين ناخد لحبيبتي صورة فورية علشان شوية اوراق كده. و كانت الليلة هتقلب غم خاااااااااااااااااااااااااااااااااااااااالص لولة انها لحظة ان ده اكيد مش وقت الخناقة دية و لأني انا كمان معملتش حاجة غير اني "اعترضة" لاكن مش ممانع انهم ينزلو معانا اصلا ً. المهم صورتها لقطتيتين تحفه و احده كانت عادية و ديه طبعتها علشان نحطها في الاوراق و كده و اللقطة التانيه كانت بتضحك و المصور بيلقطها و عجبتني قوي و اصريت اني اطلع عليه 8 صور (كانت شبه بطوط قوي : ) و الرجل راح منزل الصور علي الفوتو شوب و زبطلها وشها بقت و لا نانسي عغرم و لا هيفا وهبي و بعدين رحنا زرنا خال مامتها و اطمنا عليه و رحنا بقي علشان الشبكة و المفاجئة ان مجبناش حاجة في الآخر لان الوقت كان اتأخر و كنا عبارة عن "شلت" ستات كبار (مامتي و مامتها و مرات خال مامتها و بنت مرات خال مامتها (اصلها لسة جايبة شابكة من كام شهر (27 سنة)), و بصراحة مكنتش مستريحلهم). و معرفناش نلف و ملقيناش حاجة حلوة و روحت مامتي و بعدين خبط العربية خبطة خفيفة كده في الرفرف اللي ناحيتي. هيه خبطة خفيفة بس الرفرف زنق علي الباب و الباب مش عايز يفتح :s المهم روحتهم و بيت هناك و نمنا من التعب بعد يوم غريب.

اهم حاجة ان انا قضيت اليوم كله معاها و بقيت التفاصيل ديه متهمنيش