Wednesday, October 11, 2006

يا صباح المصايب اللي ورا بعضها

مبدئيا عندي انفنونزا
والله اعلم اذا كانت جاتلي من خطبتي و الا لوحدها كده, اللا هوه الكلام في التليفون بيعدي؟؟؟




العربية جابت وش سلندر
وادي اخرت اللي ميشيكش علي الميه كل يوم الصبح, ايه نسيت تاكل نسيت تشرب, نسيت تاخد مصروفك الصبح ,,, امال نسيت تبص علي القربه ليه بقه




لبيك اللهم لبيك
امي طلعت العمره و اخوكم اتسوح في موضوع الفطار ده, يعني لا اكل و لا بحلقه


ربنا يرحمه
ذكري ابويا السنويه الهجريه كانت امبارح, بس انا مش زعلان خالص بالعكس ربنا يلحقنا بيه علي خير. الراجل عمل اللي عليه و دخلنا كلنا كليات محترمة و خلع



انا ضربني السلك
الخياطة اللي في رجلي ديه مش عارف المفروض اعمل فيها ايه, كل يوم برجع وش الصبح و معنديش وقت اروح للدكتور والعربية بقت تيييييت تيييييت




سعاد انا شربت بنزين ياسعااااااد
نزلت ادور المخروبة اللي ركنه تحت ديه لاني معنديش لا وقت و لا نفس عشان اروح اصلحها, لقيت البنزين قاطع و قعدت شفتلي شويت بنزين عجب, بالمناسبة الـ90 طعمه احلي بكتير قوي من الـ80 و لسه مدؤتش الـ92 بصراحه



و اخيراً زيست
رابع خبر اعرفوا الشهر ده انه واحد من صحابي ساب الشغل, بس انا مربوط من لغليغي في الشغل بتاعي و مش هاعرف اعمل الحركه الجامده ديه دلوقت

6 Comments:

Blogger أحمــــــــدبــــــــــلال said...

معلش يابنى هى الدنيا كده
يوم ليك و باقى السنة عليك
خليك مؤمن و تماسك
أوعى تفتكر قصدى مؤمن بتاع السندوتشات


على فكرة ضحكت كتير من حكاية طعم البنزين دى
حسك الفكاهى فى المصائب عالى جداً مما يدل على أنسان متفائل بس ينتظر اليوم اللى هاينفجر فيه


و أيه النيولووك المباشر ده براحة علينا ياعم

و ربنا يشفيك
من الأنفلوانزا أوعى تفتكرنى قصدى حاجة تانية
:)

Wed Oct 11, 04:09:00 PM 2006  
Blogger sherif gharib said...

معلش هيا لما بطبل بتيجى كده مره واحده
بس حلو ان انت واخدها ببساطه كده يعنى مش واخدها باكتأب بقى
روحك بجد عجبانى و بعدين يا سيدى اللى يشوف بلاوى الناس تهون عله بلوته
الف سلامه على البرد

Fri Oct 13, 11:37:00 AM 2006  
Blogger islam yousef said...

ربنا يعينك
هوا التغير لاوم تكون معاه تمردات ثوريه جسديه كل أما تقع فى فصل من فصل تانى
و الشتا هل علينا بزوابيعه
أما بالنسبه للمخروبه زوبه
فربنا يعينك عليها

Sat Oct 14, 05:50:00 AM 2006  
Blogger BackBone said...

بلال باشا:
اه واللهي يابني خلاص هنفجر, بس اهم حاجه انك تاخده ببساطه


شريف غريب:
الله يسلمك ساجميل, هي الايام كده, دول و الواحد لازم يحس بالمصايب عشان يعرف قيمت النعم


أسلام يوسف:
اه الشتا جه بزعبيبو فعلاً, علي فكره المخروبه بتاعتي اسمها زيزي, و زيزي دي اصيلا جداااااااً, وربنا يجعل كلمنا خفيف عليها

Mon Oct 16, 07:50:00 AM 2006  
Blogger 3lool said...

معلش هو فيه ايام بتبقي حلوه خالص كده من اولها ههههههههه

ربنا يجعلها متتكررش كتير

Wed Nov 01, 11:54:00 AM 2006  
Blogger أُكتب بالرصاص said...

كابتن يا كابتن
هو كله ضرب ضرب ..
مافيش شتيمة


اليوم ده مس يومنا خالس

يا سيدي ربنا يتقبل من الست الوالدة
واحملك امانة

لو كلمتها ف يالتليفون
يعني لو الرصيد ماخلصش..
ماهو اليوم باين من عنوانه
لو كلمتها
قلها تدعي لاكتب بالرصاص...
ايوة ..بالاسم !


تحياتي

Wed Nov 01, 08:17:00 PM 2006  

Post a Comment

Links to this post:

Create a Link

<< Home