Friday, December 15, 2006

الحق حوش قفش أيه!!! جماعات محظورة


طب ماشي مايقفشوا في الأخوان

و يقولولهم يا ارهابين

يقولوا عليهم جماعات محظورة

و يذكورا انهم اتقفشوا معاهم شوية سكاكين من باعت المطبخ

و يلاقوا معاهم "اوراق مالية" يعني شوية فلوس مهو معلش محدش قال انها بقت من الاممنوعات

و يلاقوا "اوراق اجنبية" ايه يعني محنا في موسم حج و كل الناس بتغير ريالات و اللا دولارات

و اقنعة سوده!!!! آه ه ه هيه ديه بقي المشكلة؟ طب مهو ممكن يكون الاخوان بيحبوا يلعبوا استغماية مع بعض (و اللا بلاش نجيب سيرة بعض لحسن يتقفش هوه كمان)ـ


انا مش فاهم همه زعلنين ليه (او فاهم و بستعبط) الموضوع واخد اكبر من حجمه و كلنا عارفين ليه

علشان العيال لبسوا شوية ازياء عسكرية من بتاعت حماس و شهداء الاقصي.

طب العيال ديه لسه كانوا من كام يوم كده معكوشين حتت دين علقه لما اتنشروا و كان فيها شوم و مشارط و طوب و كانت بقه جوه الجامعه و قدام الامن بتاع الجامعه و مش في جامعه واحده ده في كذا جامعه (القاهره و عين شمس و الزقزيق و اسيوط و حلوان)

و مرشحين الإخوان لما اتزورت نتايج اللجان بتاعتهم و اعترف بكده القضاه نفسهم ورؤساء اللجان الانتخابية

الناس كلها فاهمه التيتة و عارفه ان مفيش حد هيعرف ينقظهم من ظلم الحكومه الا الاخوان لانهم القوة الواحيده اللي عارفه تقف قدام الحكومة علي مر الأجيال و هيه القوه الوحيده اللي مبتقولش امين علي طول الخط و هي القوه الوحيده اللي عمر مابعد مانجحوا و دخلوا المجلس انضموا للحزب الحاكم. و همه القوي الوحيده اللي بتعمل من اجل مصلحت الأمه كلها مسلمين و مسيحين و اقباط.

و بالعكس اللي بيحصل في البلد من تخويف و ترويع الناس من تئيد الأخوان ما هوه الا مرحلة و ستفقد فاعليتها بعد فتره, فالواد اللي هيمنعه اهله من النهارده, هيجي له اليوم اللي يشجع فيه ابنه و البيت اللي بيتئذي في واحد من عياله بيذوق الباقي للأعشان ياخذوا بتاره.

و الناس خلاص فاض بيها و مش طايئين و لا مستحملين الاوضاع اللي وصلت ليها الدوله بعد اكتر من 20 سنة من غلاء الاسعار و انهيار الاقتصاد و ضياع الموارد وفقدوا الآمال في ان بكره يكون احسن
.



بجد بجد بقت حاجه تقرف

2 Comments:

Blogger أحمــــــــدبــــــــــلال said...

بالرغم من رفضى لما يحدث من أوضاع خارجة عن المعقول
و رفضى أيضاً لفتيان النينجا الاسلامية دى
و رفضى للتعذيب فى السجون و الاقسام و المعتقلات
و رفضى لأسلوب الاستهبال اللى أحنا عايشين فيه

هاقولك كلمتين أبرك من عشرة
بلاش سياسة

أحسن تكتب مدونتك من ورا الشمس
و تبقى يا أخويا مش عارف أنت فى أى حتة فى الدنيا


أرحمنا يارب

على العموم كنت أفضل أنى اكتب بدون تعليق منعاً للمشاكل

Fri Dec 15, 04:21:00 PM 2006  
Blogger شادي فايد said...

This comment has been removed by a blog administrator.

Wed Dec 20, 01:30:00 PM 2006  

Post a Comment

Links to this post:

Create a Link

<< Home