Friday, April 13, 2007

اخر امطار الشتاء



يا تري الصيف جي وجايب معاه زعبيبه

جي و جايب معاه حره و قرفه و زهقه

واللا جايب معاه حنان و دفه و بحر و شمس


اخر مطر في فصل الشتاء بيحسسني باحسيس كتير قوي

سعات بحس انه بيعيط و هوه بيفارقنا

بيعيط عشان خلاص ماشي و زعلان علي الزكريات الجميله بتاعته
بيعيط لما افتكر يوم مقعدنا علي المحطه بعد ما بالمطر غرقنا
بيعيط يوم مافتكر لما كنت قاعده حضناني وسط الناس كلها عشان تدفي
بيعيط لما افتكر اذاي كنتي فرحانه و فخوره بالدبله اللي في ايدينا الشمال
بيعيط عشان مش هيشوفنا اللا كمان 6 اشهر

بيعيط عشان ماشي و شايفنا بعاد عن بعض

بعد ما فرح معانا بعد ماضحك معانا بعد ماجري و لعب معانا لغاية موقعنا اخر الليل مغما علينا

بس هيه ديه الدنيا يا عم شتا ياعجوز


مين يعرف ياعم شتا هوه هيشوفك السنه اللي جيه و الا لأ

مين يعرف

1 Comments:

Blogger صوت فيروز said...

ديما الشتا له عندي معني
بس ليه يكون بيعيط
عشان هيسبنا
مش يمكن بينفض المطر اللي جواه زي عصفور مبلول
عشان يملا تاني
احداث جديده
حواديت جديده
يكمل اللي بدأه السنه اللي فاتت
يسيب الفرصه لدفا الصيف يكون ليه حواديته هو كمان
هيجي الصيف معه حواديتك و حواديتها
و الشتا بيتصنت عليكم من بعيد

علي فكره في اغنيه لفيروز اسمها بتذكرك بالخريف
اسمعها
حلوه اوي
اللهم صلي علي محمد

Mon Apr 16, 06:10:00 AM 2007  

Post a Comment

Links to this post:

Create a Link

<< Home