زهقت
العربية الكرسي بتاعي اتكسر
والبيت امي و اختي متضيقين علشان اول لما بيكون عندي وقت فاضي بروح اقعوده مع مراتي
و مراتي عليها امتحانات و بحاول اكون جمبها عشان تعرف تذاكر
و اعز اتنين من اصحابي جم من بره في نفس الوقت و هيمشوا بعد اسبوعين في نفس الوقت و معنديش وقت اقابلهم
واحد بقاله 3 شهور في انجلترا و كنت بقعد معاه تقريبا كل يوم و التاني كان في المانيا بقاله سنة و نص عن اخر مره رجع و كانت زيارة برده
اما بالنسبه لي انا في شهاده بحاول اخودها علي فبراير اللي حي و برده لا لاقي وقت و لا نفس علشان افتح كتاب
عايز اودي شريط الفديو بتاع كتب الكتاب علشان اعملوا علي دي في دي, و ده لاني معنديش وقت اعملوا بنفسي
بروح من الشغل مشي عشان اعرف احس بالدنيا شويه
بتمشي و احس بالبرد و اتفرج علي الشجر و اشم المكروبسات
و احاول اجدول حياتي و كل مره الجدول مبعملوش و كل يوم بروح الشغل عايز اعمل حاجه و بمشي الساعة 9 و لسه معملتهاش
زي ميكون حد مسكني من قيدي و بحاول اجري مش عارف
و كل الناس اللي اعرفهم و بحبهم زعلنين مني
حتي اختي بقت حسه اني مبحبهاش عشان مبتكلمش معاها
طب منا لما برجع البيت ببقي خلااااااااااااااااص مش قادر لا اتكلم و لا اسمع ببقي عايز اتفرج شوية علي اي فيلم عربي
قديم و بعدين اخش اصلي و انامالعيشة بقت صعبة قوي
posted by BackBone at 11:11 AM
6 Comments:
يابنى هى دى الحياة
و ده لأنك كبرت خلاص و لازم تتحمل المسؤلية بالكامل
عجبنى أوى تعبير أنك بتشم المبكروباصات
و لا أعتقد أن وجودك بجانب زوجتك هايخليها تعرف تذاكر
أبعد عنها شوية و فهمها أن ده لمصلحتها
و أصحابك حاول تقابلهم حتى لو تتغاضى عن كام ساعة من بتوع النوم
و الفيلم خده معاك الشغل علشان و أنت راجع توديه غصب عنك
بس أوعى تنساه فى الشغل
و أختك تمسك نفسها شوية مش ضرورى الكلام دلوقتى طيب هى هتعمل أيه لما تسيب البيت و تتجوز
و ربنا معاك فى أمتحاناتك
بجد بجد ربنا معاك
أوحش حاجه لما تلاقي ان الدنيا كلها مكركبه فوق دماغك كده ...
عن نفسي لما الدنيا بتعمل معايا كده بدخل المطبخ وأقعد آكل لغاية ما أبقى مش قادره آكل ولا لقمه كمان
حلوة موت الصورة دي
و احلى حاجة القطع اللي في الطقية
بس انت اسمريت شوية عن اخر مرة شوفتك
متبقاش تنسي تطلع من الفرن تاني
قبل ما تتحمش
يا عزيزي اللي ملوش خير في اهله ملوش خير في حد تاني
امك ثم اختك ثم مراتك ثم اصحابك ثم عملك
و كله في السريع حيتم باذن الله
اهم حاجة في الليلة دي متنساش خالتك
:)
تحياتشي
يخليك ليا يا ابن اختشي
عند العروسة برضه
يا ابني مش حتذاكر كده
:)
عيد سعيد
و ربنا يهنيك
و اتدارى اليومين دول من الجزارين
إعدام صدام
سجل رأيك
موقفك
إحساسك
و لو على الورق
!!!
Post a Comment
<< Home