Sunday, April 29, 2007

عد يعم الامور

احب اثبت حاله
امبارح كان عندي 64 زاير مختلفين في يوم واحد
و بكده ابقي حققت رقم قياسي جديد ليه وهو 162 في اسبوع واحد
والرقم ده بيضرب الرقم السابق ليه اللي كان من 34 اسبوع و كان 139 زائر
وبصراحه كده كان اصلاً علشان نشرت صور كتب كتاب واحد صحبي:)ء
المهم
و بكده ابقي عديت حاجز الـ2500 من ساعت مركبت العداد
و بهذه المناسباآااااااااااات اليكم كل ما هوه آاااااااااااااات
نعلن الي كل الزعبيب الصديقه إقامة الاحتفالات و عمل نيو لوك للبتاع ده
و
ورك فرخه هديه علي كل زياره
و
بطيخه منزوعت البزر ياباني علي كل تعليق
و بالعربي كده ياتعلق ياتفرجني جمال خطوتك
------------
علي فكره العداد ده بيعد بالآي بي مهما عملت ريفرش و مبيعدش زيراتي انا شخصياً

18 Comments:

Blogger يا مراكبي said...

أنا جيت أهو

فين الهدية بقى؟

13 ش عمان السالمية

أنا مستني أهو

Sun Apr 29, 07:24:00 AM 2007  
Blogger نورهان مفيد said...

طيب براحة هنعلق
انت بتشخط ليه

وأدينا علقنا فين بقي اللي انت قايل عليه

Mon Apr 30, 12:09:00 AM 2007  
Anonymous ريهام ثروت said...

وحشتني اوي يا مشمش
ايه اخبارك بقي انا هبوظ العلاقات المصريه السعوديه ماشي يا عم الكتكوت
وانا بقي هتبعتلي الفراخ ازاي

Mon Apr 30, 02:37:00 PM 2007  
Blogger سكينة said...

فكرتني يا شيخة بقليل البخت يلاقي العظم في الكرشة
دمووووع دمووووع دمووووع
مش كفاية الاضطهاد في الحياة كمان في المدونات والتعليق بقى بالشلاليط
!!!
إيه هو البخت لو يتباع مكانش حد غلب
عموما أنا بعلق لأمرين
الأول عشان أقول زفاف مبارك إن شاء الله وقدم الشقة يا رب سعد وخير والمطبخ اللي انت فرحان بيه هتندم مع أول فرخة تتحرق فيه
:)
ثانيا أنا أحيانا بقول ليه مش كل الي بيدخل بيرمي حسنة لكن أما كبرت عرفت ان حسنة اللئيم زفرة
:)

Mon Apr 30, 02:45:00 PM 2007  
Blogger belbesy said...

ههههههه
احب احييك الاول بخير تحيه وهى سلام عليكو

بجد انا اول مره ادخل المدونه دى وعجبتنى اوى

وعلى فكره انا مش كنت مصدق حكايه العداد بالايبى بس عملت ريفرش وصدقت

ومستنى اشوف النيولوك الجديد يا بوب
ومتنازل بالهدايا للناس اللى فوق دول

اما الحفلات فيا ريت مش تنسى صاحبك الجديد بدعوه
اخيرا وليس اخرا تحياتى

Mon Apr 30, 06:25:00 PM 2007  
Blogger BackBone said...

يامراكبي:

نورت شارع عمان و السالميه كلها

نورهان مفيد:

منا لازم ازعق. هوه لاينفع ازعق في البيت و لا في البلوجر كمان

ايه اروح ازعق لنفسي في المرايه!!!ء


ريهام ثروت:

منوره البلوج ياختشي ياعسل انت
و آل انا اللي كنت عمال اقول هوه مال البلوج مزغلل ليه, اتاريكي انت بصه فيه
;P


سكينه

ايه الكومنت اللي رحته فايحه ده
انا حاسس اني عايز اقوم اغسل ايدي ياسكينه
مااا عالينااا, ربنا يبارك فيكي و عليكي و بيكي وانشاء الله مش هيتحرق في المطبخ فراااااخ.


belbesy:

و عليكم السلام ياجميل. لأ صدق ياباشا نحن بنعد بلآبي و نختلف. انت بتتعامل مع اقوي جهاز مخابرات في الحي كله.
و بعدين نيولوك ايه اللي انت بتتكلم عليه انت مش شايف حلت الشوربه اللي علي الشمال فوق ديه, بلاش احارج بقه ;)


===================================
بلنسبه للفراخ و البطيخ اليباني و اللازي منه فيهتعمل حفل توزيع ستم الاعلان عليه قريباً

وياريت اللي عايز صدور يقف علي اليمين و اللي عايز وراك يجي عالشمال و بتوع البطيخ يقفوا في النص علشان مبعرفش انشن

Tue May 01, 02:42:00 AM 2007  
Blogger Eman said...

اولا مبرووك ياعريسنا الداقس ( الداقس بالسوداني يعني اللي داخل على ورطة ومش حيقدر عليها) هههه

عموما انا جيت وشاركت واطالب بنصيبي من الفرخة المشوية- مع المقبلات طبعا -يوصلني لغاية بيتي في الخرطوم... وابقى اتصرف مع ناس الجمارك والضرايب والذي منو اللي حيطلعو عينك على حتة الفرخة مادامت مستوردة.... انا منتظـــرة

Thu May 03, 06:58:00 PM 2007  
Blogger أحمــــــــدبــــــــــلال said...

عاوز ورك الفرخة و البطيخة المنزوعة الفتيل
قصدى المنزوعة البذور

أزيك عامل أيه؟

Fri May 04, 03:40:00 PM 2007  
Blogger ضـوء الـقـمر said...

بعدين يعني لازم تشخط كده عشان نعلق
تيب مش معلقه بقة :p
هههههههههههههه
الف مبروك يا سيدي على العداد اللي عمال يعد (خمسه وخميسه)روح بخر المدونة
انا مش مستنيه الفرخه ولا البطيخ
انا مستنيه الحفله

Fri May 04, 07:32:00 PM 2007  
Anonymous ريهام ثروت said...

وبعدين يعني انت فجرت قنبلة الفراخ والبطيخ دي واختفيت
مفيش اي بوست جديد
والناس كلها مستنيه
ولا في فراخ ولا بطيخ ولا بزر حتي
معقوله كده
ريمو اللائيمو

Sat May 05, 05:50:00 PM 2007  
Blogger bastokka طهقانة said...

العدد في الليمون


اوروفوار

Sun May 06, 11:22:00 PM 2007  
Blogger صوت فيروز said...

اووووه نو مش معقول يا سكينه عظم ايه و كرشة ايه ياااي
اسمها قليل الحظ يلاقس الشوك في السمون فيما
مش الكلام بتاع المسامط و كده و اخد بالك يا محمد
عموما ورينا الهندسه بقي و التخطيط
و سلم لي علي اختك
اللهم صلي علي محمد

Mon May 07, 12:49:00 AM 2007  
Blogger Rosa said...

مبرروك
طيب فين بقى ورك الفرخة والبطيخة؟؟

Tue May 08, 04:25:00 PM 2007  
Anonymous طهقان said...

طيب
انا جيت اهوه
لما اشوف هايعدني والا لا

فكرتني بمسرحية نخاريف
لما الحاكم جاي يتصور ومالاقاش نفسه في الصورة

طيب يا سيدي
اديني واقف هناك
طالع انا في العداد والا لا؟؟



يا عم ألف مبروووك
عقبال الانجال

Wed May 09, 10:29:00 AM 2007  
Blogger Sampateek said...

hhhhhhhhhhhhhhh

Sat May 12, 10:05:00 AM 2007  
Blogger bastokka طهقانة said...

انت سبت التدوين و قاعد تعد و لا اية

اوروفوار

Sun May 13, 05:58:00 AM 2007  
Blogger خمسة فضفضة said...

السلام عليكم ورحمة الله وبركاته

اول مره ادخل هنا ، الاقي شخط وزعيق وتعليقات بالعافيه ..عاااااااااااااااا


طيب ما تزقش ادينا علقنا يا سيدي

فين بقي ورك الفرخه واهم حاجه البطيخ اللي من غير بذر ..ههههه


تحياتي

Wed May 16, 03:11:00 PM 2007  
Blogger اخر من الاخرين said...

مبدأيا و علشان منخسرش بعض يا هندسة بلاش الفراخ لأني ممكن مع اي ورك فرخة زيادة يطلعلي ريش
انما لو فيه بطيخ اجي اعلقلك كل يوم يا عم و يا بخت من علق لمدون في مدونة . اهو واحد علي واحد يعمل عدد برضة

ادينا علقنا ممكن بقي واحد قهوة تركي ميديم بالمصري مظبوط ظبطة مصري و فيها واحد زوبعة..

Mon May 28, 07:17:00 AM 2007  

Post a Comment

Links to this post:

Create a Link

<< Home