Monday, December 03, 2007

بعترف قدام عنيك

سنة 1995

بعد ماسقط في امتحان الحزام الازرق في الكراتيه

شفت الدنيا كلها سوده

كان اول فشل في حياتي

كانت اول مره احس اني ساقط

مشيت في الشوارع عمال ابص في عيون الناس

ياتري كلهم شايفين اني فاشل فعلا

ياتري انا الوحيد اللي شايف اني فاشل

صوت العربيات في ودني نازل زي الإقلام

فكرت انط في حضن اي عربيه

بس ياتري في حد هيعرف انا عملت كده ليه

ياتري في حد هيزعل عليه و اللا هيقولوا اهوه ريح الدنيا

طب و صاحب العربيه ايه بس لزمتها البسه مصيبه

عديت صلاح سالم وانا مدي العربيات ضهري

كان نفسي آي عربيه تدوسني

دلوقتي ان شايف اد ايه الموضوع كان تافه و ميستلهش

تفتكروا برضه هيجي يوم و احس ان الليبيحصل دلوقت كلام تافه

يمكن بس انا تعبت قوي
يـــــــــــــــــــــــــــاررررررررررررررررررررربـــــــــــــــــــــــــــــــــــــــــــ

Labels:

3 Comments:

Blogger AyA said...

This comment has been removed by the author.

Sat Mar 28, 05:11:00 AM 2009  
Blogger AyA said...

فكرتيني بأول مرة سقطت يها :(

فعلا ساعتها كنت حاسة ان الدنيا كلها سقطت على دماغي بمعنى الكلمة
وكنت حاسة ان الناس اللي في الشارع شايفة النتيجة بطريقة ما,
بس دلوقتي خلاص الحمدلله اتعلمت الادب وعرفت ان فيه مشاكل كتير اكبر من الدور التاني.... زي الدور التالت مثلا (اعادة السنة ) والدور الرابع (اعادة السنة تاني ) وهكذا يعني

:D

Sat Mar 28, 05:12:00 AM 2009  
Blogger BackBone said...

هيه ديه الدنيا يا أية

إقلام وراإقلام نازلين علي خدّنا

Sun Mar 29, 02:16:00 AM 2009  

Post a Comment

Links to this post:

Create a Link

<< Home