Wednesday, June 06, 2007

بعد النكسه


shpaaaaaaaaaaaaaaaaaap


ezaykom, m3lesh el fatra elly fatet kan fe showayet mawdye3 kteeer kanet khan2any.


هيه الموضيع متحلتش بس انا قررت اكبر دماغي و اعـــــــــــــــيش



اه, بالنسبه لموضوع الفراخ و الوراك. انا لقيت ان الفراخ كولها يا اما مليانه هرمونات يا اما فيها انفلونزا العصفير و البطيخ طلع مقلب بيقولك البطيخ مفهوش بس بيجي معاه كيس بزر لازم تبلعه قدام البياع بزرايره بزرايه. وانتم عارفين انا لسه متجوز جتيت و مش ناقص بزر خاااااااااااااااااااااااااالص



الاسبوع اللي جاي ده هيشهد مذابح اسريه, اصل موسم الامتحنات هيخلص يوم الحد اللي جي و مراتي "ان شاء الله" هترجع القاهره تاني, بذمتكم عمركم شوفتوا واحد يتجوز تو ويكس بس و بعدين مراته تروح عند اهلها عشان تذاكر, مقولت نستنا بعد الامتحنات, بس بقه اللي حصل.


المهم: اختي اخيرا هترجع ارض الوطن بعد مشتكت كل اللي عرفت اسمهم في السعوديه. و بهذه المناسبه احب اسمع اوغنيه عظيمه يا مصر يا ارض اللوا


بجد البت ديه وحشتني جدا, مش قوي يعني كده لحسن اصلها سعات بتقرا البلوج باعي


في الشركه عندي الناس الخبره معظمهم بيخلعوا و اضح ان فيه مشكله و في الاجتماع السنوي للشركه, الهيومن ريسور اتكلموا عن ان في هزه في سوق الاي تي في مصر نتيجت دخول شركات تانيه كبيره في السوق و بتعرض ارقام عاليه, سيبكم بس انا عجبني قوي تعبير هزه ده

حسسني اني شغال في كبريه :) معلش اعزروني اصل من ساعت ما المودام ما دخلت في الامتحنات و انا نظرت العالم بالنسبالي اتغيرت كمبليتلي


7 Comments:

Blogger محمود ماجد said...

هزة في سوق الاي تي ؟؟ هههه يا ابني البلد كلها بتتهز مش سوق الآي تي بس ...انا شغال دلوقتي في شركة سيراميك وبرضه كانوا بيقولوا في هزة في سوق السيراميك وإنه بيواجه انهيار ومش عارف إيه

وقبلها كنت في شركة رخام وجرانيت كانوا بيقولوا برده في هزة في سوق الرخام والجرانيت بسبب دخول الرخام والجرانيت الصيني الأسواق المصرية والعالمية بأرخص الأسعار ...

إحنا بلد مالهوش غير في الهز ...وهز يا وز

Fri Jun 08, 02:44:00 AM 2007  
Blogger يا مراكبي said...

أولا ربنا يوفقك ويهدي بالك ويصلح لك الأحوال

ثانيا الهزة دي مش في مصر لوحدها .. المنطقة كلها عمالة تتغير دلوقت إقتصاديا .. يمكن مصر هي الوحيدة اللي ما عندهاش إحصائيات وأرقام لكن من الواضح إنهم بدأوا يحسوا إن فيه حاجة

بالتوفيق .. وإدعي لنا معاك

Sat Jun 09, 04:27:00 AM 2007  
Anonymous dr.reham rizk said...

حمدلله علي السلامه
ايه الغيبه دي ......وبعد كل الوقت ده ترجع من غير لافراخ ولا بطيخ ياللا معلش خيرها في غيرها
اما بالنسبه لموضوع الهز ده أحب ابلغك ان السعوديه كمان فيها هز غير طبيعي
البلد مش مبطله هز
وبالنسبه لاختك اللي وحشتك أحب بردو أبلغك ان وصلتك معلومات أكيده من مصدر موثوق فيه انها عملت عمليه جراحيه وحضرتك معبرتهاش ولو حتي بمشز(رساله موبايليه)
نأسف طبعا يا ساده لطرح هذا الموضوع العائلي علي صفحات الأنترنت ولكن
انا كنت هزعل منه بس مضطره اسامحه بقي لما قال اني وحشته
عموما كفايه الهزات اللي عندك ياللا سلام

Sun Jun 10, 03:55:00 AM 2007  
Blogger صوت فيروز said...

ايه يا محمد ايه اللي حصلك ما انت كنت كلاس و لذيذ و اتريقت عليا لما قلت عايزه اكل محشي في الشارع
بقيت ليه لوكل كده
اما بالنسبه لاختك سلم لي عليها كتيييير موت
و قول لها مستنياكي عند عربية الكشري

Sun Jun 10, 05:09:00 AM 2007  
Blogger طهقان said...

يا محمد


خليها تذاكر في بيت اهلها


حد طايل

طب يا ريت طهقانة عندي ترجع تذاكر من تاني


نفسي في إجازة يا جدعااان

وأنت إزيك

نسيت اقولك
مش انا رجعت؟

Sun Jun 10, 09:06:00 PM 2007  
Blogger ضـوء الـقـمر said...

هو حد يطول بطيخ من غير بزر :D
نصيحة متكولش فراخ
ولا لحمه
ولا سمك عشان بقة وحش بردو اليومين دول

ايه الغيبه الطويله دي حمدلله على السلامه مش تغيب كده تاني :)

Tue Jun 12, 01:13:00 AM 2007  
Blogger Sampateek said...

فيل؟؟
معلش يا ابني
اللي اخد منك الفيل قادر يرجعهولك
مشهد من فيلم سر طاقية الاخفى


ممكن واحد بطيخة بس من غير بذر؟


تحياتشي

Wed Jun 13, 07:40:00 AM 2007  

Post a Comment

Links to this post:

Create a Link

<< Home