Thursday, December 13, 2007

دقيقه حداد

(دقيقه حداد)
دقيقه حداد دقيقه حداد دقيقه حداد
على الحلــــم الى انا حلمته .... على القلب الى علمته
بحب فى ناس ما ليها امان .... وروحت بأيدى سلمته
علـــــى الحب الى جمــــعنا .... وخلى العمر ليه معنى
ورخصناه فى ليلـــــه ويوم .... وضاع وراه منه ضعنا
علـــى اللمه دقيقــــه حداد
على الصاحب دقيقه حداد
على اللمه وعلىالصاحب
مين دلوقتــــى له صاحب
زمان كان الحنين غلاب .... زمنا ده الى خان غالب
علـــى الرحمه دقيقه حداد
علـــــى الطيبه دقيقه حداد
على الرحمه وعلى الطيبه
علـــى خوفنـــــا من العيبه
دا حتى فى عز وقت الخير .... بتبقى الكلمه محسوبه
دقيقه حداد دقيقه حداد دقيقه حداد
علـــــى الــى بأيـــدى علتهم .... وكنت بحلى دنيتهم
لقونى فى وقت احزانهم .... ووقت احزانى ما لقيتهم
بنيتـــهم هما هدونى ....شافونى فى ضعفى جرحونى
باعونى رخيص وانا الغالى .... وعلى نار هاديه سونى
على الود الى راح زمنه .... على الناس الى يؤتمنوا
على زمن الى يعمل خير .... ميستناش ياخد تمنه
على الحب وعلى الجيره .... على النخوه وعلى الغيره
على الحق ال ضاع منا .... ولا بنجيبله يوم سيره
على نفسى دقيقه حداد
على حالى دقيقه حداد
على نفسى وعلى حالى
على دمعى الى كان غالى
ورخصته لناس مش ناس .... نزلتلهم من العالى
على الضحكه دقيقه حداد
على الفرحه دقيقه حداد
على الضحكه الى انا نسيتها
وراحت منى حلاوتها
على الفرحه الى نسيتنى .... وقتلها الحزن موتها
دقيقه حداد دقيقه حداد دقيقه حداد
على الاخ الى يسند اخوه .... على الابن الى يوفى لابوه
على الى يشيل هموم الناس .... ويسعدهم ولو جرحوه
على القلب الى كان انسان .... وعاش يدى غيره امان
على الحب الى كان بيضم .... غريب وقريب فى اى مكان
على عمرى دقيقه حداد
على قلبى دقيقه حداد
على عمرى الى ضاع ببلاش
على قلبى الى متهناش
رماه الحب ونصيبه .... على الناس الى ما بتسواش
على سنينى دقيقه حداد
على عينى دقيقه حداد
على سنينى الى مش بتمر
مشوفتش فيها لحظه تسر
على عينى الى شافت جرح .... يقضيها بقيت العمر
بنتقابل ولا الاغراب ... ونتكلم كلام بحساب
وياما الدنيا سهيتنا .... وسرقت مننا الاحباب
بنضحك بس فى قلوبنا .... خلاص الحزن موتنا
وشوش ماشيه ماليا الخوف .... وقبل اواننا شيبنا
دقيقه حداد
ملحوظه: انا بعيش احلي ايام حياتي بس الاغنيه ديه جامده قوي

3 Comments:

Blogger ذو النون المصري said...

الهنا ما اعدلك
مليك كل من ملك
............
لبيك قد لبيت لك
لبيك ان الحمد لك
............
و الملك لا شريك لك
ما خاب عبد سالك
...................
انت له حيث سلك
لولاك يارب هلك
..................
لبيك ان الحمد لك
و الملك لا شريك لك
.....................
كل نبي و ملك
و كل من اهل لك
...................
و كل عبد سالك
سبح او لبي فلك
................
لبيك ان الحمد لك
و الملك لا شريك لك
...................
و الليل لما ان حلك
و السابحات في الفلك
.................
علي مجاري المنسلك
لبيك ان الحمد لك
.........................
و الملك لا شريك لك
يا خاطئا ما اغفلك
....................
اعمل و بادر اجلك
و اختم بخير عملك
...............
لبيك ان الحمد لك
و الملك لا شريك لك
....................
هذه القصيده لشاعر الخمريات الشهير ابو نواس، احببت ان اهديها لكم بمناسبة وقفة عرفات و عيد لاضحي المبارك، كل عام انتم بخير ،تقبل الله منا و منكم طيب القول و صالح العمل
.........................

Tue Dec 18, 09:50:00 AM 2007  
Blogger محمود ماجد said...

البوست اللي فات بتقول تعبان ، والبوست ده تقول لنا الغم ده وبعدين تقول انا فرحان

طيب وبعدين معاك رسينا على شط يا باشا

Sun Dec 23, 12:42:00 PM 2007  
Blogger BackBone said...

يا محمود بك

من غير فلسفه

ولا سفسطه

, سعات احلي لحظات السعاده بتطلع من

اغم اوقات العمر يا فوزي


و شرفتنا

Sun Dec 23, 11:52:00 PM 2007  

Post a Comment

Links to this post:

Create a Link

<< Home