Thursday, December 21, 2006

زهقت




العربية الكرسي بتاعي اتكسر

والبيت امي و اختي متضيقين علشان اول لما بيكون عندي وقت فاضي بروح اقعوده مع مراتي

و مراتي عليها امتحانات و بحاول اكون جمبها عشان تعرف تذاكر

و اعز اتنين من اصحابي جم من بره في نفس الوقت و هيمشوا بعد اسبوعين في نفس الوقت و معنديش وقت اقابلهم

واحد بقاله 3 شهور في انجلترا و كنت بقعد معاه تقريبا كل يوم و التاني كان في المانيا بقاله سنة و نص عن اخر مره رجع و كانت زيارة برده

اما بالنسبه لي انا في شهاده بحاول اخودها علي فبراير اللي حي و برده لا لاقي وقت و لا نفس علشان افتح كتاب

عايز اودي شريط الفديو بتاع كتب الكتاب علشان اعملوا علي دي في دي, و ده لاني معنديش وقت اعملوا بنفسي

بروح من الشغل مشي عشان اعرف احس بالدنيا شويه

بتمشي و احس بالبرد و اتفرج علي الشجر و اشم المكروبسات

و احاول اجدول حياتي و كل مره الجدول مبعملوش و كل يوم بروح الشغل عايز اعمل حاجه و بمشي الساعة 9 و لسه معملتهاش

زي ميكون حد مسكني من قيدي و بحاول اجري مش عارف

و كل الناس اللي اعرفهم و بحبهم زعلنين مني

حتي اختي بقت حسه اني مبحبهاش عشان مبتكلمش معاها

طب منا لما برجع البيت ببقي خلااااااااااااااااص مش قادر لا اتكلم و لا اسمع ببقي عايز اتفرج شوية علي اي فيلم عربي
قديم و بعدين اخش اصلي و انام

العيشة بقت صعبة قوي


Friday, December 15, 2006

الحق حوش قفش أيه!!! جماعات محظورة


طب ماشي مايقفشوا في الأخوان

و يقولولهم يا ارهابين

يقولوا عليهم جماعات محظورة

و يذكورا انهم اتقفشوا معاهم شوية سكاكين من باعت المطبخ

و يلاقوا معاهم "اوراق مالية" يعني شوية فلوس مهو معلش محدش قال انها بقت من الاممنوعات

و يلاقوا "اوراق اجنبية" ايه يعني محنا في موسم حج و كل الناس بتغير ريالات و اللا دولارات

و اقنعة سوده!!!! آه ه ه هيه ديه بقي المشكلة؟ طب مهو ممكن يكون الاخوان بيحبوا يلعبوا استغماية مع بعض (و اللا بلاش نجيب سيرة بعض لحسن يتقفش هوه كمان)ـ


انا مش فاهم همه زعلنين ليه (او فاهم و بستعبط) الموضوع واخد اكبر من حجمه و كلنا عارفين ليه

علشان العيال لبسوا شوية ازياء عسكرية من بتاعت حماس و شهداء الاقصي.

طب العيال ديه لسه كانوا من كام يوم كده معكوشين حتت دين علقه لما اتنشروا و كان فيها شوم و مشارط و طوب و كانت بقه جوه الجامعه و قدام الامن بتاع الجامعه و مش في جامعه واحده ده في كذا جامعه (القاهره و عين شمس و الزقزيق و اسيوط و حلوان)

و مرشحين الإخوان لما اتزورت نتايج اللجان بتاعتهم و اعترف بكده القضاه نفسهم ورؤساء اللجان الانتخابية

الناس كلها فاهمه التيتة و عارفه ان مفيش حد هيعرف ينقظهم من ظلم الحكومه الا الاخوان لانهم القوة الواحيده اللي عارفه تقف قدام الحكومة علي مر الأجيال و هيه القوه الوحيده اللي مبتقولش امين علي طول الخط و هي القوه الوحيده اللي عمر مابعد مانجحوا و دخلوا المجلس انضموا للحزب الحاكم. و همه القوي الوحيده اللي بتعمل من اجل مصلحت الأمه كلها مسلمين و مسيحين و اقباط.

و بالعكس اللي بيحصل في البلد من تخويف و ترويع الناس من تئيد الأخوان ما هوه الا مرحلة و ستفقد فاعليتها بعد فتره, فالواد اللي هيمنعه اهله من النهارده, هيجي له اليوم اللي يشجع فيه ابنه و البيت اللي بيتئذي في واحد من عياله بيذوق الباقي للأعشان ياخذوا بتاره.

و الناس خلاص فاض بيها و مش طايئين و لا مستحملين الاوضاع اللي وصلت ليها الدوله بعد اكتر من 20 سنة من غلاء الاسعار و انهيار الاقتصاد و ضياع الموارد وفقدوا الآمال في ان بكره يكون احسن
.



بجد بجد بقت حاجه تقرف

Thursday, December 14, 2006

و كمان مرة عشان البيه


الموضوع هوه الخبر اللي اتنشر في الجرايد عن دعوة بلير للحظر الجوي فوق دارفور و يتنشر عن المسؤلين الامريكان"نحن قلقون جدا لأنه (البشير) يكسب الوقت ليواصل عملياته العسكرية في دارفور"مشكلت عمر البشير انه ,اتربي في زريبة الجيش المصري و فاكر ان كل حاجة بالدراع زي مالباشا بتاعنا عامل

واول لما البشير مسك البلد راح لاغي الأحزاب و وقف الجرايد و راح حالل البرلمان و عمل منصب جديد و سماه رئيس مجلس قيادة الثورة لتخليص الأمة و راح مسكه هوه.

و دي مشكلت كل العسكرين اللي اتربوا في الجيش المصري ذي البني ادم اللي ماسكنا ذي البني ادم اللي كان في العراق ذي البني ادم اللي في لبيا
كلهم عينة وحده و ربنا يستر
مهو يا اما يتعدل و يا اما يغور او يا اما يتعمل فينا اللي بيتعمل في الباقين

Blogged with Flock

Friday, December 01, 2006

لا تعليق

انا اتجوزت

انا اتـجـــــوزت
علي فكرة ده كان كتب كتاب و بس