Wednesday, August 30, 2006

نخب الصداقه

من اليمين للشمال
عبد المنعم, انا, تمٌامم, عماد,مصطفي


الصوره ديه في القطار واحنا طلعين مطروح اخر مره

اصدقائي الاعزاء
شكراً

Monday, August 28, 2006

حتي اخر مليم في جيبي

علي الرغم من احنا شركه محترمه و بنمشي تبع نظام ثابت و منظم
اللا ان المرتب لغاية دلوقتي منزلش!!!
و السبب ان مدير الشركه واخد اجازه
طب هوه معاه فلوس ياخد اجازه و يهييص
طب و الغلابه اللي زي اللي خلاص بقي ماشي في الشارع و في جيبه اقل من عشرة جنيهات يعمل ايه؟؟؟
اهم حاجه اني فوولت تنك البنزين بتاع العربيه قبل ما الفلوس تقصر معايا
و علي رأي التكسجيه
"فول تانك و لا مليون في البنك"

Sunday, August 27, 2006

بحلم و فتح عنيه


بحلم اخد حبيبتي و نسافر بعيد عن كل الناس
تسند راسها علي كتفي
ابص في عينها و احضنها
تبوس كتفي وتغمض و تحط ايدي علي ايدها
أخد ايدها علي خدي و بشفيفي المسها
تريح راسها علي رجلي
امسح شعرها واهمسها


متخافيش دانتي معايا و في حضني

بحلم و فتح عنيه

Saturday, August 26, 2006

حكمه

راجل



تصاحب راجل
تعيش راجل
تموت راجل
تصاحب ست
تخسر كل يوم راجل

Thursday, August 24, 2006

رحله في أعماق منطقة السيدة عيشه

ــ الو سلاموا عليكم عاملين ايه النهارده.ـ
ــ ايو يامحمد انت ايه خلصه شغل.ـ
ــ اه انا لسه مخلص اهوه و كنت بفكر اروح علي الرحاب ابيت هناك النهارده.ـ
ــ طيب اصل انا و ماما كنا هاننزل نشتري فردتين كوتش للبيجو, اصل الكوتش بتاعها القديم اتشقق خالص من الركنه, ده بقاله تقريباً 6 سنين من ساعت بابا ما مات و العربيه مبتتحركش.ـ
ــ طب يابنتي استني انا اعرف واحد بتاع كوتش و بطاريات بيبيع بسعر الجمله في اول شارع الجيش. انا هاعدي انزل معاكم بقه.ـ
ــ طب خلاص مستنينك.ـ
ــ سلام.ـ
ــ سلام.ـ

وادرت عجلت القياده الي طريق الرجوع الي المنزل, واتغديت و نزلت جبت الكوتشتين وركبناهم.ـ

ــ ايه انتِ هتروحي فين دلوقت.ـ
ــ انا هطلع بقه علي الشغل في السيده عيشه.ـ
و بفضول لم تعهده اختي, سألتها:
ــ وده هاتخلصيه الساعه كام؟
ــ يعني علي الساعه 10 10:30 كده, وفي عينيها نظرات ترقب الي رد فعلي و أسئله عن ماذا يعني سؤالي هذا, فاكثيراً ما كانت تدعوني للذهاب معها الي هذا المركز الطبي البسيط لقضاءقليلً من الوقت وانا كنت ارفض لعدم اهتمامي بأي دافع الي الذهاب. و لاكن في هذه المره كنت اريد ان اقود سيارة والدي التي دوماً كان يوعدني انه سيتركني اقودها معه عندما يكبر في السن, و لاكنه لم يكبر و لم يتحقق الوعد. ففي ذالك اليوم وانا اقود السياره كنت اري اثار و علامات والدي علي عجلت القياده و أنلمس ذكرياتي معه, فعلي الرغم من صغر سني النسبي عند موت ابي إلا انه كان يتركني اتعلم القياده علي هذه السياره علي عكس الحال معا بقيت اخواتي البنات الذي لم يتركهم يضعوا قدمهم عليها الا بعد ما طللعوا الرخصه.ـ

ــ طب انا ممكن اجي معاكي النهارده المركز.ـ
ــ واللهي!!! هتمبسط قوي, دول ناس لذيذه قوي.ـ

و شعرت بمدي الفرحه التي ممكن ان تسببها الي اقرب الناس اليك بمجرد ان تشعرهم انك مهمتم بالتعرف علي البيئه المحيطه بهم. و انطلقنا سويا الي منطقه القلعه و السيده عيشه مروراً بمساجد محمود باشا و السلطان حسن و الرفاعي في احد اجمل و اعرق الميادين في القاهره, و اللذي اعتبره اجملهم علي الاطلاق, و نصيحه شخصيه منني عند مرورك به حاول ان تنظر الي المباني قمم المباني و البيوت و لا تحول نظرك الي الأسفل حتي لا تري ما تعرضت له الاصاله من عدوان المجتمع المصري المغيب التايه. و ياريت لو تفتح التكيف و تقفل الشباك, و تشغل السوند تراك بتاع فيلم براف هارت او جلادياتور. بجد هتعمل دماغ عجب.

المهم كملنا الرحله في اعماق السيدة عيشه من شارع الي حاره و من حاره الي اخري حتي استقر بنا الحال في احد الأزقه و وانا انظر الي المكان و التناقض بين هذه العربه الحديثه نسبياً وهذا الزقاق العتيق الذي لم يتبقي منه غير مساحه ضغيره جدا تسمح بمرور الرفيعين فقط من احد جانبي العربه بعد ركنها فيه.ـ

نزلت من العربيه و بذرة التفكير بدأت تتمركز في قعر مخي عن كيفيت وصول اختي الي هذا المكان في الاصل و ان كيف لهذه البنت التي تربت في ميادين و شوارع مدينه نصر و مصر الجديده ان تتعايش مع هذا المجتمع اللذي طالما اعتبرته متخلفاً و سبقت الحكم عليه كما يحكم الغرب علينا دون اي و عي او ادرك.ـ
انزلقت معها الي خارج العربه مرورا ببعض بحيرات مزارع النموس البلدي في طريقنا الي داخل احد المانازل الذي اعتقد ان عمره يذيد عن المئة عام و لاكن بعد وش المحار و البياض البمبي اصبح له نيو لوك جديد يعطيه مظهر الشايب لما يتدلع.ـ
المبني لم ادخل فيه اكثر من 7 الي 10 متر, فالحجره المنتظر الجلوس فيها تقع في الدور الأرضي بجانب الباب تماماً فهي في اعتقادي كانت حجرة الخزين في منزل هذا الثري الذي انشأه. حجره صغيره جداً يوجد بها مكتبين خشب في ركنين متعكسين و في الركن الباقي تقبع مكتبه و كما نسميها نيش به بعض المفروشات و برواز به صوره لولد صغير يضم عن يمينه و يساره بنتين اصغر سناً منه لتعطيق انطباعاً بالحنان و الدفء. و فوق احد المكاتب لوحت مرسومه بألوان الرصاص "بسم الله الرحمن الرحيم" "مهداه الي الاستاذ عبد الكريم" و الامضاء مش واضح بس جمبه تاريخ في مطلع القرن الـ 19 واكتشفت بعد سؤالي لؤختي ان الاستاذ عبد الكريم هو والد صاحب المركز و رئيس الجمعيه

دخلنا و قعدنا نرغي شويه مع راجل وست في العقد الرابع من العمر كانوا بالداخل عند وصولنا و بعد فتره سمعنا صوت ضحك جاي من بره وتعلقت اعيننا بالباب انتظاراً لصاحبه. ليدخل رجل عريض المنكبين يضع نظاره دائريه علي وجهه البشوش المستدير, جسمه ممتلئ نسبياً لاكن متناسق. تشعر من اول لحظه انه من الناس اللي وجعه دماغها في الدنيا ديه. الراجل ده طلع دكتورياسر رئيس الجمعيه الخيريه اللي فتحه المركز ده, متحدث لبق ابن نكته. و بعد فتح بعض الحوارات امامي مع الدكتوره اختي و الجالسين معنا سمعت فيها عن صفقات و تعاون مشترك ما بين المؤسسات المسيحيه و هذه الجمعيه الخيريه التي تتسم بالاسلام مما اثار فضولي في السؤال و انهاء فترت مراقبتي للاحادث في صمت التي بدأت منذ دخولي المركز. فوجهت نظري الي دكتور ياسر و بدأت في الكلام و بدا الحضور في الانصات لسماع اولي كلماتي ـ

ــ معلش انا مش فاهم ايه علاقت المؤسسات المسحيه ديه بالجمعيه بتعاتكم؟

و بدأ الدكتور ياسر في ايضاح مفاتيح اللعبه في ان هذه المؤسسات مرخصه علي ان نشاطها هو خدمت المجتمع و لذلك تحصل علي نصيبها من الاعانات الخارجيه من الدول المتقدمه. و يجب ان توزع هذه الاموال علي مشاريع و جمعيات علي مختلف الديانات و المناطق النامية. و لان معظم المناطق الفقيره مأهوله بالكثير من المسلمين فعلي هذه المؤسسات ان توزع هذه الاموال علي مشروعات في هذه المناطق و الا ستتعرض للمسائله من قبل الجهات الحكوميه المسؤله عن متابعت النشاطات الخيريه و من الممكن ان تفقد ترخيصها و بالتالي تخسر نصيبها في الاعانات الدوليه. و بدا يشرحلي اذاي بقه ان اللعبه ديه ممكن التلاعب بيها بأعطاء منح بمبالغ وهميه اكبر من الصحيحه للخروج بمبلغ محترم لهذه الجمعيات و ان ازاي الحج مش عارف مين عمل مشروع يتكلف 4 مليون جنيه و قدمهلهم و همه نفذوا المشروع بس بشرط انه يمضي علي انه كان بـ 8 مليون و النظام كده ماشي و زي الفل.

قعدنا نهرج شويه و بعدين تطرق الحوار الي مولد السيده زينب اللي كان الأوسبوع اللي فات, ده كان اهم حوار في القعده ديه كلها و قعد الدكتور ياسر يحكي عن معاناته اليوميه في هذا لاسبوع علي مدار كل سنه فهو يسكن في احد الحواري اللتي تطل علي ميدان السيده عائشه. هذه الحاره اللتي تتحول الي خيمه كبيره لخدمت و استضافت ميريدين السيده في هذا المولد. و كيف ان كل كبير في الارياف و القري يبعث باموال و كتيبه من الخدم لاقامه خيمه بأسمه لخدمت ميردين السيده من هذه المنطقه. وطبعا في لهجت استغراب سألته عن كيفيه اقامت هؤلاء الشعب القادم من الجنوب من منطلق الحمامات والمطابخ والازي منه. و كان رده بساطه لم اعهدها انهم عادي بيستعملوا امكانيات العمارات المحيطه بالخيمه. فالخيمه اللتي تطل عليها شقته تقريباً تجعل الشقه تحت الخيمه لان شباك الشقه يقع اسفل سقف الخيمه و بهذه الصوره فهو فعليا يعيش داخل هذه الخيمه معهم لمده اسبوع كامل. يتابع فيه حوارتهم و اهتمامتهم. من هذا اللذي ينده علي السيده عيشه و عمال يقول يا "ماما" من الساعه الـ 2 ظهراً حتي منتصف الليل وهؤلاء اللذين اكتفوا بسماع اغنية كعبو و العنب و الرقص علي انغامها و البعض الاخر اللذي يقص احد ذكرياته عن هذا المولد ايام الملك و كيف كانت الامور مختلفه و احسن من الاوضاع الحاليه, و انا في سري بقول هوه حتي المولد منفدش من تدهور الاوضاع الحياتيه للدوله. و يكمل الدكتور ياسر في القص عن خوفه كل ليله ان يعود الي منزله حتي لا يتشاجر معهم مع انه كل سنه يحاول يهدّي نفسه و يقول انا مش هاتخانق السنه دي. و ان اللي بيحصل في شقته ده بعتبر معايشه يوميه للمهجرين اللبنانين حيث ان الكل يتشارك في كل الامكانيات المتاحه للجميع من حمامات و مطابخ و اكل وانه يمكن لو رجع بدري في احد الايام يجد واحده ست بتستحمي في حمامه و راجل قاعد علي كرسيه و بيتفرج علي التلفزيون. الغريب فيه انه كان يروي عن هذه الاحداث وكأنها ليست عنده في بيته او يمكن انها من قهرها له لا يجد و سيله للحديث عنها اللا عن طريق التهريج و البساطه للخروج من الحاجز الدرامي الي الفكاهه الواعظه. و اتضح من كلامه ان حماته تعيش معه في نفس المنزل وانها تساعد هؤلاء المريدين في ممارسه حياتهم داخل منزله وانها حتي تقبل منهم الهدايا مثل الزيت و الرز و السكر و محاولاته ايضاح لحماته ان هذه الهدايا قادمه علي انها صدقه و انه هو و عائلته ليسوا من مستحقي الصدقات ولاكن حماته تعتبرها هدايا من قوم هي تقدم لهم بعض الخدمات و تربطهم الصداقه. فأنا لم اتخيل ابداً حياه كهذه. انا دائماً ما اعتبر بيتي هو عقر داري و انه لايمكن ان اسمح فيه بالغرباء او عامة الشعب بالدخول و استعمال ممتلكاتي و اغرضي. وفي تلك اللحظه توجه الدكتورياسر الي جهاز الكمبيوتر العتيق نسبياً بالمكان الساكن علي احد المكاتب بالغرفه للعب باحدي لعب الاوراق المتاحه بالويندوز طالباً من اختي ان تجرب هذه اللعبه فهي ممتعه جداً علي حد قوله, معبراً عن انها اكثر الالعاب اللتي يلعبها عندما يكون مرهق و لم ينم لفتره طويله كالاوسبوع الما ضي. فهو من محببي اللعب و الاسترخاء عند و صوله الي المنزل و ان اهم اعماله الروتينيه عند و صوله هي فتح احد قنوات الكرتون الفضائيه و الجلوس امامها حتي يستطيع ان يفصل ما كان قبل دخول المنزل و ما بعده, و ان اولاده و مراته لا يقتربوا منه حتي يغير القناه فتغير القناه يعني انه قد استطاع من اتمام عمليه الفصل بنجاح و من الممكن الان ان يتابع حياته المنزليه كزوج و اب لثلاثه ملأكه هم ابن اكبر و بنتين توءم. و توجه الي تلك المكتبه الموجوده بالحجره و اعطاني الصوره الموجده بالمكتبه لتفقدها عن قرب فهي صوره اولاده ابن تقريبا في العاشره من العمر ملئ الجسم كوالده ذو عينين ذكيتين و بنتين في السنه السابعه تقريباً يتمتعان بقدر من الجمال ويرتديان نفس طقم الهدوم كعادة كل التواءم و لا ادري لماذا نفس الطقم, يمكن علشان لو الاهل جابو هدوم مختلفه هيتخنقوا عليها فالاهل بيفضلوا الحيطه و شراء نفس الطقم لكلتاهما.ـ
و تصل الساعه الي العاشره و النصف و نذهب انا و اختي في رحلت العوده الي ديارنا بمصر الجديده مرة اخري بعد تحيت الدكتور ياسر و تعمدي السلام عليه بيدي كنوع من التقدير علي مساعدته لي في فهم و تفهم ملابسات الحياه في منطقه السيده و ما حولها و اعود انا الي ما اعتدت ان اراه و اعيشه منذ طفولتي الناعمه مرة اخري. و كأن شئً لم يكن و كأنني كنت اعيش حلماً واقعياً لبعض النماذج الحيه في هذه الدنيا.ـ

Monday, August 21, 2006

الوطن

انا رجعت الي ارض الوطن
الي طين الوطن
الي الهواء المدخن بتاع الوطن
الي الشوارع الزحمه بتاعت الوطن
الي الاهمال بتاع سكان الوطن
الي مسؤلين الوطن المتحزلقين
الي اصدقاء الوطن
الي كل من افتقدني في الوطن
الي كل من افتقدته في الوطن
حاجه فعلاً حسيتها اول ما وصلت...ان مية النيل فعلاً طعمها مسكر,
و الله اعلم اذا كان ده علشان النيل فعلاً مسكر و الا علشان احنا شعب دمه خفيف
المهم انا رجعت الي ارض الوطن

Sunday, August 13, 2006

أووووووبس.....ملحقتش الطياره

و كان هذا ما حدث...ـ
الساعه بقت 6:30 و انا لسه مقفلتش الشنط... ياله بسورعه يابو حمييد الطياره الساعه 10 و التكسي هيعدي الساعه 8 عشان يخدك المطار... خلاص خلصت اهوه يدوب هقفل الشنطه ديه و اصللي العصر و انزل.
الساعه 8 بالثانيه جرس الباب يرن و اشوف الباشا السواق وشه منور علي جرس الباب بتاع أودتي ( و دي كانت اول مره اعرف ان اللي بيخبط علي الباب من تحت بيطلع صورته عندي في الأوده). و بالرغم من انه اتأخر عليا بتاع نص ساعه لما كان جي ياخودني من المطار اول لما وصلت و كان نفسي اردهاله بس قولت بلاش قولتله 5 دقايق و نازل. يدوب صلليت العصر و نزلت.
و انا بقه في السكه و الساعه بقت تقريباً 8:15 كده قولت لما اشوف هي الطياره الساعه 10 و كام علشان اعمل حسابي و اتفسح شويه في المطار, و اوفاجء ان التذكره مكتوب عليها معاد الطياره 2045 (وللي مدخلش الجيش ده يعني الطياره السعه 8:45م ) طبعاً انتابتني حاله من الهبل و بسرعه رحت قايل للسواق علي الموقف المنيل ده. و بدأت افكر في كل الاحتمالات و الخطوه اللي جيه. و كان البوتم لين انني مش هلحق الطياره و مش هعرف اغير الحجز القديم و هضطر احجز تاني علي حسابي ده طبعا بالعمله الصعبه الصعبه قوي بصراحه.
و برغم كل الاصفار اللي طلعت لما حولت المبلغ بالمصري بعد ما اضفت كمان مصاريف التكس رايح جاي من المطار عليها. انما انا كنت علي اتم استعداد انني اتحمل الخساره لانها غلطيتي اني مأخدتش بالي من المعاد باظبط و كان جوايا احساس بأن اللي حصل ده كان قدر و ان ربنا اكيد ارد ان ده يحصل لغرض معين انا معرفوش و مش شرط اعرفه (و اكيد مش عشان الطياره ديه كانت هتولع و ربنا نجاني يعني). المهم الحمد لله وصلت المطار بالسلامه و طلعت اجري علي مكتب البوردينج و سيبت الـ أمكس بتاع الشركه مع السواق عشان يحاسب نفسه. و كان خلاص تقريباً الساعه بقت تمانيه و نص و الطياره قفلت الباب و طلعة علي الرن واي فرحت قلت للتكسي استني بقه شكلي هارجع معاك و طلعت علي مكتب حجز التذاكر.ـ
اييييييه....ـ
المهم الموضوع خلص علي انني معرفتش اطلع الطياره و عرفت اعدل الحجر لنفس الرحله بس بكره انشاء الله, و كلمت الشركه عشان ابلغهم بالتغيرات و منظمت السفريات قلتلي مفيش مشكله بس بصراحه مش واثق ان مديري مش هيلبسني في المبلغ ده ولا لاء. و كلمت الفندق علشان أبييت الليله ديه فيه واديني اهوه بكتبلكم (او بكتب لنفسي) علي اللي حصل.
معنوياتي في الأرض...كنت خلاص حضرت نفسي اني هشوف اهلي النهارده اول لما اوصل في المطار... و هنام علي سرير في أودتي... وبكره كنت هاعدي علي اصحابي في الشغل رغم اني ضارب اجازه اللإسبوع ده لاكنهم وحشوني موووووت... و بعد كده كنت ناوي اعدي علي الشاب منعم صديقي و اسهر معاه و كان ممكن كمان نروح سينما ولا حاجه....
لاكن واضح ان ربنا اراد ان كل الخطط ديه تتغير علشان حكمه انا معرفهاش,,,,
اه نسيت اقولكم اني كلمت الشغل اللي هنه و هنزل الشركه هنا بكره تاني...و اهوه الحمد لله اني كنت سايب كام حتت بيف برجر في التلاجه... اديني هلاقي حاجه اكولها النهارده....
اشوفكم علي خير ان شاء الله

Saturday, August 12, 2006

كلبيز من اجل التغير



Windows Media Player




كنت مش عايز اتكلم في السياسه قبل مطلع الأجازه بس معلش استحملوني بقه
ولا حول و لا قوة إلا بالله
اشوفكم لما ارجع كمان اسبوع
...
بجد هتوحشوني
و كلكم كلكم و اللهي

Friday, August 11, 2006

حين لا ينفع الندم

Photobucket - Video and Image Hosting

أه ه ه يا ولاد الـ ...ه





يااااااااااااااه الصور ديه شفيت غليلي بشكل و شجعتني نكمل المقومه بشكل
بس ياتري الثمن اللي بتدفعوا لبنان لوحدها يساوي الصوره ديه؟؟؟؟

Wednesday, August 09, 2006

استغاثه

الكلام ده لاقيه عند
استغاثه
ست الحسن
......
زهقت
.......
طهقت
.......
تعبت
........
قوى
........
قوى قوى يعنى
..........
ومحتاجة للشاطر حسن


وده كان ردي من غير قصدي قاسي و يمكن اكون كمان صدمتها
بس كان احسنلها تعرف الحقيقه بدل متفضل مستنيه كده طول عمرها
ـــــــــــــــــــــــــــــــــــــــــــــــــ
دوخت يابنتي عقبال معرفة الشركه اللي بتصنعه, بس لقيتها كتبه الكلم ده:

نأسف لعدم اعاده انتاج هذا المنتج لأن الظروف المحيطه بهذا الممنتج من حروب و مظاهرات و قتل و دم و تشريد و غدر و خديعه و خيانه و الم و مر و كذب و يأس و احباط و تشاؤم وكره و نفط مقابل الغذاء...

.لم تعد ملائمه لطبيعت عمله

الشاطر حسن مكنش متبرمج علي الحجات ديه...

خارطه الطريق بس مش بتاعت امريكا ديه

و هذا ردي برده علي القلم الجاف في موضوع خلينا بعيييييد...بعييد احسن عند "ايوه خدامه"http://aywakhadama.blogspot.com/2006/08/blog-post_09.html
استاذي الجليل القلم الجاف:
انت بصرحه عقدتها تماماً في اخر سطرين
.انا اشترك معاك في ان رقينا لازم يطلع من دمغنا, وان احنا نحاول نتفادي السيطره و الهيمنه من بعض الدول الغربيه و الامريكيه.بس,
الموضوع ان مش الصارخوين بتوع صدام و لا مشاغبات نصر الله (و اللتي لا ترتقي الي لفظة حرب) هما اللي كانوا نقصين علشان امريكا تحشر اسلحتها في اسرائيل.
ءاسرائيل يا أستاذي الفاضل مهدت الي استعطاف كل القوه الدوليه و الشعبيه علي مستوي العالم الغربي و الامريكي بكل الطرق علي مدي الحقبتين الماضيين. من اول ادعاء المحارق بتاعت هتل لغايه انهم عباره عن حتت ارض صغيراً جداً ليس لها حول و لاقوه بجانب كل هذه الدول العربيه الشريره المضاده للصهيونيه و الارهابيه. و مروراً باستغلال كل الاحداث التي طفت علي الساحه السياسيه منذ الحرب العالميه الثانيه. فأن نقول اننا الزريعه اللتي تستغلها اسرائيل لأستجداء العالم يعتبر كلام اعزرني لا يقدم و لا يؤخر.
الحل الوحيد اللذي استطيع ان اضعه علي الطاوله هو البداء:
اولاً: وضع خطه اعلاميه تنفذ علي العالم الغربي و الامريكي لكشف مغالطات اليهود و لا يجب ان يكون هذا بشكل صريح و واضح حتي لا ننكشف و انما باستخدام سياسات اعلاميه حديثه تقوم بوضع السم في العسل عن طريق بث الأخبار و الأحداث المعاصره مع التعليق بشكل غير مباشر في اغلب الأحيان و مباشر في اضيق اضيق الحدود حول مؤمرات الصهاينه و اكذبهم. و هي طريقه ممكن تتعلمها بشكل كبير من مشاهدتك للقنوات الأخباريه الغربيه كا الـ بي بي سي و الـ سي ان ان. مع العلم ان هذه الخطه الأعلاميه يجب وضعها علي احد الأقمار الفضائيه الغربيه و بتمويل تحت ستار غربي. ان المشاهد الغربي ذكي و من الممكن ان يكشف هذه اخطه بسهوله اذا لم يتم تغتيطها بإحكام و مع العلم ان الأعلام المتصهين سوف ينقب بعنف عن نقط ضعف الخطه لأثبات و لأها للعرب و المسلمين و هذا ما اذا انكشف ستنهار معه كل الجهود المبذوله.
ثانيأ: استخدام هذا الغطاء الاعلامي في التحرك السياسي للتسليح العربي الذاتي عن طريق تشغيل المصانع الحربيه العربيه مثال مصنع 26 الحربي المصري اللذي اهتم بتصنيع الحلل و الصواني منذ تولي مبارك للسلطه و ذلك في اطار احياء خطط عبد الناصر في التسليح و التصنيع والاكتفاء الذاتي التي اذا كانت لم تحبط من ولي النعمه مبارك كانت مصر اصبحت الأن من النمور الافريقيه القويه.ثالثاً التوجه النووي السلمي و العسكري تحت ادعاء اعلامي انه مجرد لتوليد الكهرباء فقط. و كافيه لعب العيال ده بتاع "نحو شرق اوسط خالي من الاسلحه النوويه" اللذي طرحته امريكا ثم امدت بشكل مباشر كصفقات اسلحه نوويه صريحه مع اسرائيل او امداد العلاماء الصهاينه بكافه المعلومات و التكنولوجيات اللازمه لتصنيع السلاح النووي. و كفيانا هبل بقه.
ثالثاً: و ايضاً تحت المظله الإعلاميه يتم تفعيل اتفاقيه الدفاع العربي المشترك عن طريق احياء التدريبات العربيه المشتركه و وضع المناورات الجاده و الفعاله مع بعضنا الأخر و عدم اجراء مناورات عسكريه مع العدو الأمريكي او الغربي, فأننا لا نستفيد منها قدر الأستفاده اللتي يحصلون عليها من معرفت طريقة تفكير العقليه الحربيه العربيه في الحرب و هذا ما كانوا يجهلونه في ما قبل 1973 و كان اكبر اسباب النصر علي العدو الصهيوني.
رابعاً: اقتصادياً و هذه من اهم نقط الخطه, و هي وضع اصول اتفاقيات داخليه عربيه فعليه و ليسه صوريه بأسماء عربيه و تمويل اوربي او صهيوني كما يحدث الأن. مع محاولت تخليص الموارد و الثروات العربيه من الايدي الأجنبيه. ولو كان عن طريق العتماد علي رجال الأعمال العرب بشكل تطوعي و ليس فرضي. و اني علي يقين انه بمجرد متتضح معالم النهضه الإقتصاديه و تتبين الهمم الجاده و المخلصه لستجد استماته رجال الاعمال العرب علي الإستثمار في الداخل بدلاً من الخارج و ستجد تحسن ملحوظ في سلوك الشارع العربي و المصري خاصه في المحافظه علي المجهودات المبذوله و محاربة الفساد او انخفاض معدلاته بشكل جزري.
خامساً: الاتجاه الزراعي في استخدام الارضي العربيه الزراعيه في الاكتفاء الذاتي من المأكل و الملبس علي المستوي الاحتياجات الضروريه من القمح و الأرز و القطن و الخبوب. و ممكن ان تستخدم في ذلك اراضي السودان و الصومال مما سرفع من مستوي الدخل القومي لديه و سيعود بالمنفعه علي باقي الدول العربيه( انا عارف ان امريكا و اليهود تقريبا خلاص حتوا اديهم علي الدولتين دول من اجل السيطره علي منابع النيل نهر الحياة في مصر و من اجل منع العرب من الاستفاده من الثروات الحيوانيه و الزراعيه بهم) و لاكن عند تنفيذ الخطه العسكريه و تفعيل اتفاقيه الدفاع المشترك فيمكن سعتها نسطيع استبدال القوات الأجنبيه بأخري عربيه لحفظ السلام هناك مستخدمين في ذلك التغطيه الأعلاميه اللي اتكلمنا عليه في الفقره الاولي
.و اعتقد ان الطريق طويل لاكن مينفعش نسبق خطوه قبل التنيه والهرم متلعش كده بين عشية و ضحاها
لازم كل حاجه تكون ممنهجه علشان ميحصلش عك في الموضوع برمته.
كل الخطط العنتريه بتاعت احنا نعمل شلله كويسه كده و نطلع علي لبنان و فلسطين نحررهم مش هتنفع ابداً و اثارها هتكون سلبيه تماما علي السمعه العربيه و السيطره علي المنطقه.
انا عارف اني طولت معلش بس كان لازم اتكلم....
و شكراً

Tuesday, August 08, 2006

احلام سعيده

في احد ردودي المتأخره علي وحده كانت بتلم انها صحيه من حلم ان فيه مصر بتعلن عن انها هتضرب عمق تل ابيب اذا لم تتراجع. وطبعا عشان ردي كان يندرج في اخر التعليقات محدش تقريبا ً قراه. فقلت اعرضه هنه يمك حد يشوفه. انا كمان برد علي واحده كانت بتتريق علي الشباب اللي بيتهرب من تأديه الخدمه العسكريه...ه
انا حلمت حلم مشابه بحلمك ده بس كان فيه شويه تفاصيل مختلفه.يعني مثلا ً ان مصر مرحتش قيله تخ لزق كده انها هاتضرب تل ابيب لاء. في حلمي انا الاجتماع بتاع الجامعه العربيه ده قرر ان بدل ما هتبقي قوات حفظ سلام اجنبيه في جنوب لبنان هتبقي قوات عربيه. زي الناتو كده.و بدل ما هانضرب اسرائيل عيني عينك كده لأ احنا بس هنقول اننا هنحمي اللبنانين من الغارات الاسرائيله الغاشمه علي المدنين. مش هنستني ناخذ الاذن لا من الأمم المتحده و لا من مجلس الامن. بعتبار ان اللي بحصل ده اعتداء رسمي علي دوله عربيه مشتركه في اتفاقيه الدفاع المشترك و نوعد سعتها ان القوات العربيه لن تتخطي حدود لبنان الجويه و لا الأرضيه. و بعد ما القواة تتمركز ميمنعش اننا نقول انه في احدي الغارات الإسرائيليه علي لبنان توغلت الطائرات العربيه في الشمال الإسرائيل مطارده طائرات العدو و بعد ساعه و نص كده نبلغ انه في تطور سريع للأحداث توغلت المدرعات العربيه في الشمال الاسرائيل نتيجة خطف جندي عربي من علي الحدود و نضرب بقه ساعتها المطارات و الرادارت و مباني الإستخبارات الإسرائيلة و ذلك في اطار حفظ السلام في المنطقه. مميمنعش برده طالما انه حلم ان الكويت و السعوديه و تفرض خفض كميت البترول المصدر الي الدول الغربيه و ذلك في اطار احتياج القوات العربيه اليه. و طالما ان هكون مش متغطي كويس في الحلم ده يبقي نظيط بقه و ممكن سعتها تتدخل القوات المصريه الي داخل قطاع غزه لحماية الفلسطنين الغلابه من براثن العدو الإسرائيلي.
اصل موضوع التهديد و الجعجعه اللي علي الفاضي ديه "ان القوات المصريه المغواره ستضرب عمق اسرائيل اذا لم تتراجع" مش هتعمل حاجه غير انها هتهيج الناس علينا و هتخلي منظرنا ارهابيين.
مفيش احلي من السياسه.
و بعدين ممكن سعتهي بقه يبقي اخوي الصغير يدخل القوده ويشغل الكمبيوتر ويصحيني علي اغنيه."الي هيفا و ما بعد هيفا"
اه نسيت.
قبل مخويا الضغيرحماده يخش عليا القوضه. جالي هاتف في المنام ان الشباب المصري مش ذي توته متهماه انه " انهم بيهربو من التجنيد ويزورو شهادات علشان ميرحوش الجيش اصل الجيش بهدلة وبيبعدهم عن مامى وبابى وبيكلو حاجات وحشة هناك وينامو على سراير مش نظيفة فيها حشرات وكده"
بس هقولك ايه يا توته
منتي مشفتيش الجيش متعرفيش لما تكوني بنقدمه محترمه متخرجه من جامعه محترم و درسه علوم محترمه و يجي و احد يسب امك و ابوكي و كل عيلتك علي الصبح علشان شعر دقنك بقالوه خمس ساعات متحلقش و لا لما تبقي بتتغدي و بتتعشي و بتفطري اكل معمول بزيت كافور ده حتي الشـــــاي عليه زيت كفور. متعرفيش لما تبقي بتعملي الشغل غلط لمدت 3 ايام و انت عرفه انك هتعديه لمجرد ان ديه تعليمات مدير الوحده.
متعرفيش يعني ايه لما واحد يمكن اصغر منك بكام سنه بس اكمنه ظابط و انتي عسكري يقولك رويحي جبيلي الجذمه بتعتي من القوده اللي جمبي. و سيبك من ده كله.
كفايه انك لما تخرجي هتكوني نسيتي اللي انتي اتعلمتيه في الخمس سنين بتوع الكليه و تلاقي كل زميلك من البنات او الولاد اشتغل و حوش و مش بعيد يكون اتجوز كمان. و لما تيجي تقدمي تقدمي في شغلانه تلاقي عيل معفن معلش يعني كان حمار الدفعه هو المدير بتاعك في الشغل.....
هقولك ايه يا توته الموضوع مش تزوير شهدات و لا هروب من الخدمه العسكريه. الموضوع ان اللي بيحصل ده ملوش علاقه تماما بالأهداف النبيله بتاعه حمايه الوطن و نصره المظلوم
الموضوع اكبر من كده بكتير يا توته.
و دلوقتيه بقه مش فاكر اذا كان اخويا قفل الكمبيوتر و خرج و لا اختي دخلت غتطني و كملت نوم من غير احلام....ه

لأ متعيطش

لأ ياسنيوره متعيطش
صرخت و انا قاعد في الفندق بتفرج علي المؤتمر "لأ....لأ يا سنيوره متعيطش" و فضلت اصرخ كائني كنت فاكر انه ممكن يسمعني و انا قاعد علي بعد اكتر من ثلاثه الاف كيلو عن مقر اجتماع اللجنه. "اوعي تشمتهم فينا يا سنيوره, اوعي تحسسهم انهم كسبوا لما ضربونا, اوعي ياسنيوره" و حسيت اني عايز اعيط انا كمان بس انا مش مشكله لما اعيط يا سنيوره انا واحد من الشعب لاكن انت رمز عن لبنان.
انا مش مشكله يا سنيوره بس انت اوعي تعيط. مشوفتش بيريز و هوه بيطلع علي الس ان ان بيتكلم بكل ثقه ازاي ياسنيوره.... ليه تشمتهم فينا يا سنيوره ليه. واللي غازني و حرق دمي ان العرب قعدوا يسقفوا. بتسقفوا علي ايه جتكوا نيله بتسقفوا علي ايه حد يفهمني
ديه اسمها العلمي خيبه تقيله.
ياجدعان لو حد فهم هم كانوا بسقفوا ليه ياريت ابوس اديكم يقولي لحسن خلاص هتجنن

Monday, August 07, 2006

التناقض

التناقض لما تبقي بتحب بلدك و تسبها و تعيش بره

التناقض لما تكره الامريكان و تشتغل في شريكاتهم

التناقض لما تقول "انا" اكتر من ميت مره في كلمك و اخر" انا" تكون "انا مبحبش اتكلم عن نفسي"ه

التنافض لما تنتقض المظاهرات و تمشي فيها

التناقض لما تعرف ان مديرك مش طيئك و تجبلوا هديه في عيد ميلاده

التناقض لما تحرر بلد من رئيسها و تحتلها انت

التناقض لما تشوف نفسك بعين غيرك و متعرفهاش
التناقض لما تسمع اغاني و تروح تصللي الفجر في الجامع
التناقض لما تطلع الرقاصه تحج وترجع ترقص تاني

التنافض لما تحس انك محروق دمك و متحولش التلفزيون عن الس ان ان

التناقض لما العرب يقعودوا علشان يطلعوا بحل سلمي و اسرائيل تقصف المبني اللي جمبهم

التناقض لما يبقوي الخساير في الحرب العلميه التنيه اكتر 100 مره من خسائر حروب الرسول محمد و يبقي المسلمين برده ارهابيين

التناقض لما تشوف جنازة الأموات من عدوك فيبقي نفسك فيها

التنافض لما العدوا يطلع في كل القنواة وانت قاعد تكلم نفسك علي قنواتك المحليه

كفايه كده ولا نقول كمان...مفيش فيده من الزياده

Friday, August 04, 2006

7akawy el-2ahawy

guys sorry i can't have two blogs, i'm just using my msn space. it's not that advanced like blogger, but enough till now for me.

u may come and vist me http://backbone13.spaces.live.com/ but please please live ur comments if u liked what i wrote, and if u didn't like it also leave a comment :D,
guys i feel happy when i see ur comments ;)

thnx