اوعـــــــــــــــي النوويـــــــــــــــــــــــــي

في مبادرة عجيبة و مفاجئة يعلن الشملول رئيس سياسات الحزب "الباطني" بان مصر هتخش النادي النووي, و ده يعني ايه ياولاد؟؟؟
يعني سعاتك مصر هتبني محطة طاقه نوويه علي ارضها عقبال الدوار بتاعنا كده, اصل الحكومه اكتشافنت اخيراً ان الطاقه اللي احنا بنستعملها من بنزين و فحم و غاز طبيعي ديه طاقة غير متجددة و انها هاتخلص آجلاً ام عاجلا ً.ـ


فرد عليا الواد حسونه اللمض انه كان واخد الكلام ده في سنة تالته ابتدائي, فشمعني بقي دلوقتي نبني المحطه النووية ؟؟؟

فسكت كده و فكرت, ما يمكن يا واد ياحسونة الحكومه بتاعتنا كانت غايبة يوم ماخدنا الدرس ده في المدرسه ؟؟؟ او يمكن اصلا ً مش واخدين تالته ابتدئي, مش عايزين نحرجهم بقه.ـ

المهم ان الموضوع موقفش علي كده, لأ ده تبعه سلسله منهدله من التصريحات الدوليه و اهمها تصريحات الواد ده اللي في مجلس "السيوخ" الامريكي و بعدين تصريح البوب الكبير اللي ماسك البلد و طلب من بتاع الكهراباء بتاعتنا حسن يونس ان يخاطب احمد زويل شخصيا علشان يشرف علي الموضوع ده و يكلفه بأسم الرئاسة ذات نفسها...اه ه ه, فعلا ً ولا عزاء للمصرين.ـ


طب خليك معايا كده ياباشا, اذا كان اللي بيتكلم مجنون فاللي بيسمع عاقل...مهو لو زويل اصلا ً كان مستنضفكم كان ايه اللي خالاه يسيب البلد و يقعد في كاليفورنيا, طب سيبك من ديه قول ياعم انهم هيكلموه و هوه هيوافق لانه راجل وطني وميقدرش يتأخر علشان ميتشتمش في الجرايد و يمثل بجثته في برنامج البيت بيتك و الكوره في الملعب.ـ
انما هل يعقل ان مصر هتعمل 3 محطات مره واحده, تلاتــــــــــــــــــــه!!!!!!!... طب ازااااااااااي

اذا كان اصلا تكلفت المحطة الواحده 3 مليار دولار و هي تكلفة لا تتحملها الموازنه المصريه بكل المقايس تحت الصعوبات الحاده و المزمنه التي نعاني منها, دحنا بنشحت بقلنا 5 سنين ياجدعان علشان نبني مستشفي تعالج ولادنا من السرطان. و للعلم ايضا ً ان الموازنه المصريه التي وضعتها الحكومه اللزيزه بتاعتنا لـ 2002- 2007 لا تتضمن اي اعتمادات ماليه للمشروع.ـ

و في اعتقادي ان سياسه الحزب في مهاجمت الفكره الامريكيه للشرق الاوسط الكبير ما هي الا مناورة للحزب لرفع شعبيه الحكومه ومساعدت نجل الرئيس مبارك في رفع الشعب واللذي نعلم كلنا انه لن ينال رضي الشارع المصري اللا بمهاجمت امريكا

بالمناسبه انا مازلت اتسائل ماذا كان في انطلاقت الحزب الاولي لتكون هناك انطلاقه ثانيه

و يبقي ان اقول...ـ

لولولولوللللللللللللللللللللللوووووووو و و و و و و و وووووووووووولللللللللللللللللللللللللللـــــــــــــي

زغرتي يأم فرحااااااااااااااااااااااات مصر ناويه تنتج نووي




ملحوظه: الصوره ديه لليافطه بتاعت المحطه النوويه اللي في الضبعة بتشوفوها وانتو طالعين تصيفيوا في مرسي مطروح كده

بني أدم محترم

و يطرح السؤال نفسه هل تستطيع خطبتي ان تساعدني علي ظبط مواعيدي اليوميه و اولها معاد شغلي و ابقي بني أدم محترم!!!! ـ

واللا انا اللي هيخليها تسيب محاضرتها و تروح متأخره و تصبح كائن متأخر ذيي!!!ـ

و بعدين انا خطبت

يااااااااااااااااااااااااه فعلاً شعور مختلف

فرحه من نوع تاني

شعور بالسعاده

شعور بالاستقرار

بالانتصار

بالمسئوليه

شعور بالدفئ

بالحنان

كل حبيبك حوليكم

الكل بيهنيكم

كل الكميرات عليكم

كلام من غير كلام

ابتسامات و ضحكات

صوت اغاني عالي

ايدي ماسكه في احن ايد لمستها

احلامنا بدأت تتحقق

الليله احنا مش مدعوين

الليله حنا الابطال

المسرح معلهوش حد غيرنا

و لبسنا الدبل

و قطعنا التورته و اكلناها

وحمدنا ربنا ان الليله عدت علي خير و روحت

و خرجنا تاني يوم

ياه انا لسه مش مصدق اللي حصل

بس الدبله بقة خلاص في ايدي

انا خطبة ياجدعاااااااااااااااااااااااااااـــــــــــن

:D

حراااااااااااااااااااااااااااااام عليكي يا ليلي,,,, حرام

ياليالي مين اللي قال ان كل الرجاله حنفي

ياليلي حنفي قبل ما يقبلك مكنش حنفي

كان حنفي تاني

كان بيحب و بيتمني

كان بيعيش عشان يقابلك

كان يتمني نظره بطرف عينيك علشان تشوفي عذابه بعيد عنك

كان يتمني تحنيله

كان مجرد همسك, يعتبره أوامر

يكسر ليها حدود, و يعدي بيها مدود

كنتي الملكه و هو كان انسان

من اجلك يرفع المشاعل

ينزل ابواب القلاع

يضربلها الطبلخانات و يدق الكوسات

يقيم علي شرفها الليالي الملاح حتي طلوع الصباح

لا يتكلم احد بعد كلامها و لا يطاع غيرها

ياليلي اسمعيني حنفي مكنش كده قبلك

حنفي كان فارس نبيل

كان مغوار عتيد

يتمني اشارتك فيقاتل من اجلك حتي الفناء

لا غالي بعدك و لا تمني غيرك

ياليلي كفاااااااااااااااااااااااااايه تجريح

لو بطلنا "نحلم" نمــــــــــــــــــــــوت

الا يامحمد الراجل كده لما بيتجوز ممكن يحلم كده؟؟؟

تقصدي ايه بـ يحلم ديه؟

يعني انت فاهم, لما بيشوف واحده حلوه كده في الشارع و الا في التلفزيون, مش ممكن كده نفسه تهف عليها؟


اه ه ه, تقصدي يحلم بيها يعني و كده... مممم, بصي اصل مينفعش الراجل يبطل يحلم, بس ممكن يحلم بطريقه مختلفه, ممكن يحلم تبقي مراته شبها, او ان مراته تعرف تعمل زيها كده, بس يحلم بقي يتجوزها و يسيب مراته بيبقي صعب شويه و

وجهة "نظـــــــــــــــــــــــر"ـ

مشهد ليل, خارجي, امام احد المولات المشهوره بمدينه نصر.

بنت(1) واقفا في وش ولد ضهره للرصيف بيتكلموا و انا واقف وراهم.

تنزل بنتين متدلعين من عربيه حديثه و يعدوا من ورا الولد مبيني و مبيين البنت(1),ـ

وزي مانتوا عارفين طبعاً انا مليش في البحلقه علي البنات زي معظم المصرين, انا باخد النظره الاولي اللي تكفيني وبعد كده اقعد اتفرج علي الناس اللي في الشارع و هما بيبحلقوا و افتس علي نفسي من الضوحك (مع الحفاظ علي الواو),,,,بس المره ديه لفتت انتباهي البنت(1) اللي كانت واقفه قدامي, فهي بصراحه كان موقعها جامد جداً بالنسبه لمنظر نزول البنات من العربيه, انا قعدت اتفرج علي البنت(1) ديه و هي بتبص علي منظر البنتين وانا في منتهي الاستغراب, دي كانت بتبص و لا اجدعها ولد. بتبص علي كل حته استراتيجيه في البنتين.... بصراحه عملتلهم كت-سكانينج وسعتها حسيت اني مش فاهم حاجه مهو اكيد في حاجه غلط

مهو راجل يبص علي بنت, (غلط اه.) بس ماش مهوه ياعيني من يوم ماتخلق و هوه عنده حاجه كده اسمها الغريزه.

بس "بنت" تبص بالمنظر ده ليــــــــــــــــــــــــــه

*

ملحوظه انا لاحظة المنظر ده بعد كده كتير مووووت فالموضوع واضح انه ملوش علقه بالبنت بتاعت المشهد ده بعينها.

بس برده مش قادر افهم ليه...؟؟؟

الي أمي

ــ هتتغدي معانا النهارده؟؟؟

سؤال من امي و انا بفتح باب الشقه و نازل الشغل

ــ لا يا أمي معتقدش, يمكن اخلص شغلي و اطلع علي الرحاب ابييت هناك و الا انزل مع اصحابي

ــ هو فيه اييييه انت بقيت مبتقعدش في البيت خالص, دانت من ساعت مرجعت واحنا بنشوفك بالعافيه....انت مش عايز تقعد في البيت ليه؟؟؟ احنا مزعلينك في حاجه؟؟؟

ــ يا أمي الموضوع مش كده خالص انتي ليه حسه بكده

و فتحت الباب ونزلت في هدوء

يا ولدتي العزيزه الموضوع مش كده ذي مانتي حسٌاه, الموضوع اني بس بقيت احب اقعد لوحدي شويه و بقت عندي ميول مختلفه عن مجرد القعاد قدام التلفزيون و تلقي هذا البث المباشر من الهبل و الانحطاط الفكري و التخلف, فانا احب اقعد لوحدي بعيداً عن الناس اجلس فقط مع نفسي افكر اكتب اقراء احلم...و هي اشياء لم اعد استطيع عملها بالبيت القديم معكم

ان اهتمامتنا اختلفت و لم نعد علي نفس الطريق, انا اسف علي ذلك ان كان سيريحك اعتزاري و انا اعلم انه لن يريحك